Qırım Tatar Mäclesen yabu utırışı kiçekterelgän

Rusiyä Federatsiyäseneñ qanunsız räweştä üz cirlärenä quşqan Qırımğa bilgelägän prokuror Natalya Poklonskayanıñ Qırım Tatar Milli Mäcleseneñ êşçänlegeneñ tıyıluı häm êkstremist oyışmalar qısasına alınuı öçen yasağan möräcäğäte nigezendä açılğan mäxkämä däğwasında “Qırım yuğarı mäxkämäse" Qırım êtnik mönäsäbätlär häm sörgennän qaytqan watandaşlar komitetınıñ qatnaşuı öçen utırışnı başqa ber waqıtqa küçergän.

Qırım Tatar Milli Mäclese advokatı Cämil Tämişev: “Atnakiçen Qırım Tatar Milli Mäclesen tıyu däğwası belän bäyle mäxkämä utırışı başladı. Däğwaçı häm däğwalı (cawapçı) idari däğwa belän bäyle açıqlawların yasadı häm ber-bersenä sorawlar birde. Annan soñ mäxkämä däğwada Qırım êtnik mönäsäbätlär häm sörgennän qaytqan watandaşlar komitetınıñ qatnaşuın tä'min itüe zarurlığı qararına kilde", - dip äytkän.