Төркиядән тaтaрчa яңа ел теләкләре / Törkiyädän tatarça yaña yıl teläkläre
Tatar dönyasınnan yaña yıl teläkläre
ТӨРКИЯДӘН ТAТAРЧA ЯҢА ЕЛ ТЕЛӘКЛӘРЕ / TÖRKİYÄDÄN TATARÇA YAÑA YIL TELÄKLÄRE 31.12.2021 PODKAST
2021nçe yılnıñ soñğı könendä iğtibarığızğa “Törkiyä awazı” radiosı isemennän yaña yıl teläklären citkeräbez. Ber yıl buyı Törkiyä, törki häm tatar dönyası xäbärläre belän, şul isäptän Tatarstandağı yañalıqlar, täräqqıyätlär, tatar milläten borçığan mäs’älälär belän dä tanıştırıp barırğa tırıştıq.
Uzıp baruçı 2021nçe yılda wafat bulğan Törkiyäneñ kürenekle ğalime, millättäşebez Nadir Däwlät monnan 11 yıl êlek, 2010nçı yılda uq “Törkiyä awazı” radiosı öçen birgän äñgämäsendä Tatarstan Däwlät başlığınıñ “prezident” statusınıñ yuqqa çığarıla alınuı ixtimalına iğ’tibar yünältkän ide. Şuşı ängämädän özekne tawış cıyılmasınnan tıñlıy alasız.
Yazuçı häm ğalimä Gönül Pultar citäkläwçe Bötendönya Tatar ligası da Yaña yıl qotlawnamäsendä könüzäk mäs’älälärgä iğ’tibarnı yünältte. Häm watanda, häm diasporada härber millättäşebezgä sälamät, tınıç häm bäxetle könnär teläwçe Bötendönya Tatar ligası: “2021nçe yılda Tatar İctimaği Üzägeneñ, bötenläy ışandırırlıq bulmağan “êkstremistik êşçänlek”tä gäyeplänep, yabıluı häm Tatarstan Cömhüriyäteneñ Däwlät başlığınıñ Prezident statusınıñ ğamäldän çığarılıp, wazıyfasınıñ töbäk gubernatorı däräcäsenä töşerelüe bezne bik nıq borçığan täräqqiyätlär buldı. Moña qaramastan ömetle bulırğa, 2022nçe yılnıñ tatar milläte öçen uñışlı buluın telibez. Watannan häm diasporadağı ildäşlärdän matur xäbärlär kötäbez”, - dip belderde.
Östäge tawış yazmabızda şulay uq tatar dönyasınnan, Tatarstannan, cir şarınıñ törle yaqlarında yäşäwçe millättäşlärebezdän “Törkiyä awazı” radiosına kilep citkän yaña yıl teläklären täq’dim itäbez.
Tawış yazmasınnan Ğaliäskär Qamal isemendäge Tatar däwlät akademiya teatrı artistkası, Tatarstannıñ xalıq artistı Färidä Safina, bügenge köndä Qazaqstanda xezmät itüçe tanılğan tatar ğalime professor Yulay Şamiloğlu, İstanbuldan İdel-Ural törkiläre mädäniyät häm yärdämläşü cämğıyäte başlığı Göltän Urallı, İskeşähärdäge Qazan mädäniyät cämğıyäte räise Vädat Doğu, Qorıxöyek tatar awılınnan Mäcit Süzär, Awstraliyadan tabibä Rawza Wäli häm muzıkant Möslih Wäli, Antaliyadan tatar şağıyre häm advokat Fänis Zıyalı belän “Törkiyä awazı” radiosınıñ tatar redakśiyası xezmätkärläreneñ Yaña yıl teläklären tıñlıy alasız.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
