Tatar ğalimäläre törek cıyınında
“Törkiyä däwlät gimnına 100 yıl häm törki dön’ya ädäbiyatlarında xörriyät fikere “ xalıqara onlayn simpoziumı uza
Törkiyädä bügen häm irtägä törki ädäbiyätta xörriyät fikeren qarawçı fänni cıyın uza. Anda tatar ğalimnäre dä qatnaşa. Bolar – Tatarstannan KFU professorı Flyera Säyfullina häm Törkiyädä yäşäp êşçänlek alıp baruçı fän ähelläre Ramilä Yarullina-Yıldırım, Çulpan Zaripova-Çetin.
Fänni simpozium töreklärneñ milli gimnı qabul itelüneñ 100 yıllığına bağışlana. Anı Êrzurum şähäreneñ Atatörek isemendäge universitetı uzdıra.
Onlayn simpoziumda Flyera Säyfullina tatar mäğ’rifätçelegek ädäbiyatında xatın-qız irege mäs’äläsen kütärä. Ramilä Yarullina- Yıldırım isä 1905nçe yılğı tüntäreleşneñ tatar ädäbiyatına yoğıntısın añlataçaq. Çulpan Zaripova Çetinnıñ çığışı Säğıyt’ Rämiyev häm ömetsez xörriyät xisläre belän bäyle.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä