İzmirdä Tuqay kiçäse

2019nçı yılnıñ 28nçe aprel’ könne İzmir şähär xakimiyäteneñ Yäş’lär teatrı binasında oyıştırılğan kiçäne Ägäy universitetı doktorantura studentı Linar Xaciev alıp bardı.

Törkiyä milli gimnı belän başlanğan kiçäne İzmir tatar cämğiyäte (cämğıyäte) başlığı Bähzat Aqtaş açıp cibärde.

Mäskäwdäge Gor’kiy isemendäge Dön’ya ädäbiyatı institutı ğalimäse, professor Älfinä Sibğatullina belän İstanbuldağı Märmär universitetı qarşındağı Törki dönya tikşerenüläre institutı fänni xezmätkäre Läysän Şahin Ğabdulla Tuqaynıñ tormışı häm äsärläre turında mäğ’lümat birde.

Antaliya qalasında yäşäwçe şağir (şağıyr’) häm advokat Fänis Zıyalı da şiğirläre häm qurayı belän qatnaşqan kiçädä Törkiyä yuğarı uqu yortlarında belem aluçı tatar uquçı yäş’läre Ayzat Minhacev, Alsu Räxmätullina, Gölnaz İsmäğilova (İsmäğıylova), Läysän Şanlı Ğabdulla Tuqay şiğirlären (şigır’lären) söyläde. Linar Xaciev “Täftiläw” cırın başqardı.