Törek matbuğatına küzätü 24.05.2024

“Haber Türk” gazetı yazğança Törkiyä tışqı êşlär ministrı Xaqan Fidan kiçä Awrupa Berlegeneñ kürşelek häm kiñäyüdän cawaplı komissarı Oliver Varxeli belän oyıştırğan matbuğat oçraşuında Törkiyäneñ Awrupa Berlegenä quşılu barışı xaqında bolay dide: “Törkiyä Awrupa Berlegenä genä tügel, ä här quşılaçaq ittifaqqa köç östäyäçäk. Ber härwaqıt Awrupa Berlege belän mönäsäbätärebezne üsterergä telibez.”

“Hürriyet” basması beldergänçä Awrupa Berlegeneñ kürşelek häm kiñäyüdän cawaplı komissarı Oliver Varxeli kiçä ministr Fidan belän oyıştırğan matbuğat oçraşuında Törkiyä belän Awrupa Berlege arasındağı säwdäneñ rekord quyuın äytte. Varxeli: “Uzğan yılnı säwdä külämendä rekord quydıq. Ul 200 milliard yevrodan uzdı,” – dide.

“Vatan” gazetı xäbärenä kürä Törkiyäneñ İran däwlät başlığı İbrahim Räisi yulıqqan boralaq hälakäte urının tabuı Şveyŝariya matbuğatında yañğıraş taptı. “Neue Zürcher Zeitung” gazetı xäbärendä tübändäge yullar urın ala: “Törkiyä keşesez hawa apparatı citeşterüdä ni qadär sälätle buluın tağın ber qat kürsätte.”

“Sabah” basması citkergänçä Törkiyäneñ ênergetika häm tabiğıy çığanaqlar ministrı Alparslan Bayraktar Qara diñgezdäge zondaj êşçänlekläre belän bäyle belderü yasadı. “Fatix” isemendäge zondaj köymäbez Sakarya gaz mäydanında “Göktäpä-2” dip ataluçı skvajinada zondaj êşçänleklären başlattı,” – dide ul.

“Star” gazetı yazğança Mädäniyät häm turizm ministrı Mäxmät Ärsoy Törkiyäneñ gastronomiya turizmı belän bäyle bularaq: “Törek aş-suları tämle bulğanı qadär ütkäne dä êlekkelärgä barıp totaşa. Ğasırlarğa cäyelgän mäğlümat häm täcribä cimeşe bulğan bay aş-sularıbız tarix buyı törlänep, bügengä qadär kilep citte. Bu tiñsez xäzinäne tanıtu wazifabız bulıp tora,” – dide.