Törek matbuğatına küzätü 23.05.2024

“Vatan” gazetı Ärdoğannıñ İzrail turındağı belderülärenä urın birä.

Törkiyä ilbaşı Räcäp Tayyip Ärdoğan İzrailneñ 76 yıl buyı fälästinlelärneñ qanın tügüen, Fälästin cirlären tartıp aluın, xalıqara xoquqnı tanımawın här oçraqta açıq kürsätüen söyläde. “Genośid başqaruçılar cawap birergä tiyeş”,-dide ul.

“Haber Türk” gazetı “Törkiyä Fälästinne tanuları öçen qanäğat’” dip yaza.

İrlandiyäneñ iğ’lanınnan soñ Norvegiyä häm İspaniya da Fälästin däwläten tanıyaçaqların citkerde. Norvegiyä xökümäte räise ike däwlätle çişeleşneñ berdänber yul buluın assızıqladı. Fälästin häm Türkiyä älege qarardan qanäğat’ buluların belderde.  

“Star” gazetı Pol’şanıñ “Bayraktar”lar satıp aluınıñ AQŞta niçek kön üzägenä çığuı turında yaza.

Törkiyäneñ Pol’şağa 24 danä “Bayraktar TB2” qorallı keşesez hawa apparatları tapşırunı tögälläwe AQŞta zur yañğıraş taptı. Matbuğatta älege dronnarnıñ Pol’şanı NATO qısalarında üsterüe turında yazalar.

“Hürriyet” gazetında “Togg” avtomobile xaqında xäbär bar.

Törkiyäneñ cirle häm milli avtomobile “Togg” belän tiz üskän maşina sänäğate Franśiyä xäbär agentlığı AFPnıñ iğ’tibarın cälep itte. Anda ildäge êlektrlı avtomobil’ bazarı zurlığınıñ “Togg”larnıñ satışqa kerüe belän inde xäzer ük maşina çığaruçı illär İtaliya häm İspaniyadan uzdıruı äytelä. Monnan tış, “Togg”nıñ berençe yılda “Tesla”dan kübräk çığarıluı belderelde.  

“Yeni Şafak” gazetı “Dön’yadağı iñ turistik şähärlär” turında citkerä.

Londonnıñ tikşerenü kompaniyäse “Euromonitor” dön’yada turistlarnı iñ küp cälep itüçe şähärlärne açıqladı. İsemlek qalalarnıñ törle üzençäleklären isäpkä alıp tözelä. Anda Törkiyädän İstanbul, Antaliya häm Muğla urın ala.