Төрeк мaтбугaтынa күзәтү - Törek matbuğatına küzätü 05.04.2024
5нче апрельдә бaсылып чыккaн кaйбeр төрeк гaзeтлaрынa күзәтү / 5nçe apreldä basılıp çıqqan qayber törek gazetlarına küzätü
“Yenişafak” gazetı: "Milli İminlek Şurasında terrorçılıqqa qarşı köräşkä basım yasaldı"
İlbaşı Räcäp Tayyip Ärdoğan räislegendäge Milli İminlek Şurası cıyılışınnan soñ yasalğan yazmaça beldergedä terrorçılıqqa qarşı köräşkä basım yasaldı. Beldergedä: "Töbägebezneñ kiläçägendä terror oyışmalarına häm alarnı yaqlawçılarğa bernindi şartta urın birelmäyäçäk", - dip äytelde.
“Habertürk” gazetı: "Milli İminlek Şurasında Ğazzädä tınıçlıq tırışularına yaqlaw çaqıruı"
Milli İminlek Şurası beldergesendä xalıqara cämäğätçelek Ğazzä xalqına häm yärdäm oyışmalarına qarşı höcümnärneñ tiz arada beterelüe häm töbäkkä kiñ qolaçlı humanitar yärdämneñ citkerelüe belän daimi tınıçlıq öçen Törkiyä kürsätkän tırışularğa bulışlıq itärgä çaqırıldı.
“Vatan” gazetı: "Böten waqıtlarnıñ êksport rekordı quyıldı"
Säwdä ministrı Ömär Bolat Törkiyäneñ mart ayındağı êksportınıñ 22 milliard 578 million dollar bularaq tormışqa aşuın belderde. Ğıynwar-mart çorındağı êksportta isä 63,7 milliard dollar belän böten waqıtlarnıñ êksport rekordı quyıldı.
“Star” gazetı: "“TUSAŞ”nıñ yaña texnologiyäse Berläşkän Ğaräp Ämirlekläreneñ iğ’tibarın cälep itte"
Törkiyäneñ saqlanu sänäğäte êşlänmäse “KAAN” häm “HÜRJET”tä dä qullanılğan TUSAŞ texnologiyäse töşü komplektı belän tübän sistemaları Berläşkän Ğaräp Ämirlekläreneñ iñ zur saqlanu häm aviaśiya şirkätläreneñ iğ’tibarın cälep itte. Sistemaların qamilläştergän TAAC berençe çit il kileşüen Berläşkän Ğaräp Ämirlekläre belän imzaladı.
“Sabah” gazetı: "İstanbul aêroportı Awrupanıñ iñ yuarı noqtasında"
Awrupa hawa navigaśiyäse qurqınıçsızlıq oyışmasınıñ 25nçe-31nçe mart çorın üz êçenä alğan hawa xäräkäte statistikasına kürä, İstanbul hawa mäydanı könenä 1 meñ 328 oçış belän Awrupadağı iñ tığız êşläwçe aêroportı buldı.
