Törek matbuğatına küzätü 09.02.2024

“Yeni Şafak” gazetı Ärdoğannıñ Adıyamandağı çığışına urın birä. Törkiyä ilbaşı Räcäp Tayyip Ärdoğan kiçä Adıyamanda cir teträwdä zıyan kürüçelärgä toraq açqıçları tapşıru tantanasında qatnaştı. Ul anda saqlanu sänäğate investiśiyälären zilzilä töbäklärenä yünältäçäklären belderde.

“Haber Türk” gazetı Kreml’neñ Putinnıñ Törkiyägä säfäre turındağı belderüen citkerä.

Kreml’ süzçese Peskov Rusiyä liderı Putinnıñ Törkiyägä säfärenä äzerleklär däwam itüen belderep: “Waqıtı täğayenläşkäç, xäbär itäçäkbez”,-dide.  

“Star” gazetı “Ber atnada 44 terrorçı täêsirsez xälgä kiterelde” dip yaza.

Törkiyä milli saqlanu ministrlığı kiçä oyıştırğan brifingta başqarılğan operaśiyälär näticäsendä, Ğıyraqnıñ häm Süriyäneñ tön’yağın da kertep, soñğı atnada 44 terrorçınıñ täêsirsez xälgä kiterelüen belderde.

“Sabah” gazetı Antaliyäneñ 2024nçe yıl turizmına tiz kerep kitüe turında citkerä.

Turizmda uzğan yılnı rekord belän yapqan Antaliya 2024nçe yılnıñ berençe ayında, monnan aldağı yılnıñ şul uq çorına qarağanda, 4,13%qa artığraq turistnı qunaq itte.

 “Vatan” gazetı Törkiyäneñ on êksportı rekordı turında xäbär itä.

İl 2023nçe yılda 3 million 663 meñ tonna onnı çitkä satıp dön’yada on êksportında rekord yasadı.