Törek matbuğatına küzätü 31.03.2023
31 nçe mart könne basılıp çıqqan qayber törek gazetlarına küzätü
”Hürriyet” gazetı “Milli iminlek şurası beldergesendä cir teträwgä basım yasaldı” dip yaza.
İlbaşı Räcäp Tayyip Ärdoğan citäkçelegendä uzğan Milli iminlek şurası cıyılışınnan soñ äzerlängän beldergedä Türkiyädä 6 nçı fevral’dä bulğan cir teträwlärdän soñğı wäzğıyät’neñ bäyälänüe häm töbäktäge tormışnı tiz arada ğadäti xälgä qaytarunıñ möhimlege assızıqlandı.
”Yeni Şafak” gazetı “Finlyandiyäneñ NATOğa kerüen raslaw” isemle xäbärendä citkergänçä, Finlyandiyäneñ NATOğa kerü protokolın raslaw turındağı qanun proyektı Türkiyä Böyek Millät Mäcleseneñ ğomum şurasında qabul itelde.
”Vatan” basması “Qızıl alma”nıñ tağın ber uñışı” isemle xäbärendä yazğança, “Baykar” şirkäte tarafınnan tulısınça üz çığanaqları belän citeşterelgän “Bayraktar Qızıl alma” pilotsız xärbi oçqıçı kük yözendä sınawlarnı uñışlı däwam itä. Urta biyeklek sistemasın açıqlaw testı da uñışlı tämamlandı.
“Star” gazetı “Türkiyägä berençe säfär başlandı” dip yaza.
İzrailneñ El Al törkeme urtaqlarınnan “Sun d'Or Airlines” 16 yıldan soñ Türkiyägä oçışlarınıñ yañadan başlanğanın belderde.
”Sabah” gazetı “Rusiyädä Türkiyädäge cäyge yal paketlarınıñ 30-40%ı satıldı” dip xäbär itä.
Rusiya turoperatorları assośiaśiyäse citkergänçä, Rusiya tur operatorları irtä bron’law kampaniyäse qısalarında Türkiyädäge cäyge yal paketlarınıñ 30-40%ın satqan.
