Törek matbuğatına küzätü 01.02.2023

“Star” gazetı yazğança, Türkiyäneñ tışqı êşlär ministrı Mäwlüt Çavuşoğlu Şveŝiyaneñ NATO äğzalege mäs’äläsendä bu il cawaplılıqların cirenä citkergän oçraqta utırıp uylayaçaqların äytte. “Läkin xäzerge waqıtta Şveŝiyaneñ bu şartlarda NATO äğzalegenä “äye” dip äytü mömkin tügel,” – dide ul.

“Sabah” basması beldergänçä, Türkiyäneñ Rusiyä-Ukraina suğışında alıp barğan tınıçlıq urnaştıru diplomatiyase bulsın, global’ ülçämdä üstergän êksport köçe bulsın, analizlarğa tema bulırğa däwam itä. Alman “Bild” gazetı Türkiyä belän bäyle mäqalädä açıp salu üzençälegendäge süzlär qullandı. Türkiyäneñ Rusiyä belän bulğan import häm êksport kürsätkeçlären ber yılda ğına ike tapqırğa arttıruın citkergän gazet Türkiyäneñ monıñ belän Germaniyane täxettän töşerüen belderde.

“Xörriyät” gazetı xäbärenä kürä, Xalıqara valyuta fondı Türkiyä öçen 2022 yılğı üseş farazların kütärde. Oktäbr’ ayındağı xisapta 2022 yılda Türkiyä öçen 5% üseşne farazlağan Xalıqara valyuta fondı yaña xisabında bu külämne 5,5%ka üzgärtte.

“Watan” basması citkergänçä, Karsta awır hawa şartlarında däwam itüçe “Qış xärbi künegüläre 2023” atu praktikasında xärbilär lazerlı “CİRİT” raketası belän maqsatlarnı bärde.

“Yänişafak” gazetı yazğança, Awrupadağı aêroportlar arasında qabul itkän yulçı sanı häm oçqıç säfärläre cähatennän soñğı 3 yılda berençe urında bulğan häm 2022 yılnı lider itep tämamlağan İstanbul aêroportı ğıynwar ayınıñ 4nçe atnasında da könlek 1229 reys belän berençe buldı.