Törek matbuğatına küzätü 31.01.2023
Qayber törek basmalarına küzätü
“Yenişafak” gazetı Kreml’ süzçese Dmitriy Peskovnıñ süzlären uquçıları belän urtaqlaşa: “Rusiyä däwlät başlığı Vladimir Putin belän Türkiyä ilbaşı Räcäp Tayyip Ärdoğannıñ mönäsäbätläre üzençälekle. Bu mönäsäbätlär çınlap ta ike yaqlı ışanıç, xörmät häm cawaplılıqlarğa bäyle buluğa tayana.”
“Hürriyet” basması beldergänçä Türkiyäneñ tışqı êşlär ministrı Mäwlüt Çavuşoğlu Şveŝiya häm Finlyandiyaneñ NATOğa äğzalekläre belän bäyle bularaq: “Problemalı il” belän “äz problemalı il” arasındağı ayırmanı kürü minemçä ğadel totış bulaçaq. Bez Türkiyä bularaq NATO häm bu illär mondıy qarar qabul itsä, bolarnı ayırım bäyälärbez dip uylıybız. Xörmätle ilbaşıbız da “Finlyandiya mäs’äläsen Şveŝiyağa kürä ayırmalı bäyälärbez,” – dide.
“Star” gazetı yazğança Türkiyä saqlanudağı êmbargoğa cawabın cirle sistema belän qaytardı. Kanadadan täêmin itelgändä çikläw kertelgän Boralaq totu häm tapşıru sisteması berençe tapqır cirle häm milli bularaq citeşterelde. Sistema berençe wazifasına milli fregat TCG İstanbul belän kereşäçäk.
“Sabah” basması xäbärenä kürä “Fatix” zondaj köymäse Sakaryadağı Gaz mäydanında urın alğan yaña Amasra-2 skvajinasında êşkä kereşte.
“Habertürk” gazetı citkergänçä Toyotanıñ êlektrlı yaña gibrid modele C-HR dön’yada berençe tapqır Türkiyädä Sakarya şähärendä citeştereläçäk. “Toyota Avtomobil’ sänägäte Türkiyä” şulay uq Toyota Awrupa qorılmaları arasında da berençe batareya häm êlektrlı avtomobil’ citeşterüçe êşxanä bulaçaq.
