Төрeк мaтбугaтынa күзәтү - Törek matbuğatına küzätü 16.01.2023
16нчы гыйнварда бaсылып чыккaн кaйбeр төрeк гaзeтлaрынa күзәтү / 16nçı ğinwarda basılıp çıqqan qayber törek gazetlarına küzätü
“Xörriyät” gazetı: "Soylu: “Keşesez hawa apparatları Türkiyäneñ terrorçılıq belän köräş tarixın üzgärtte”"
Êçke êşlär ministrı Söläyman Soylu “Twitter” akkauntınnan yasağan belderüendä: "Keşesez hawa apparatları Türkiyäneñ terrorçılıq belän köräş tarixın üzgärtte. Ayıruça “Bayraktar İHA” – aldında dönya sälam birgän, uyınnı üzgärtkän moğciza,” – dip äytte.
“Yäni Şafak” gazetı: "Dön’ya gigantlarınıñ küze Türkiyädä”
Türkiyäneñ Qara diñgezdä 710 milliard kub metr tabiğıy gaz rezervın çığarıp, êşläp çığara başlawı dönyanıñ äydäp baruçı ênergetika şirkätlären aktivlaştırdu. Milliard dollarlıq täq’dim belän Türkiyäneñ işegen şaquçı şirkätlärneñ täq’dimnäre kire qağıldı. "Tabiğıy gaznı üzebez êşläp çığarabız, üzebez satabız” yullaması birelde.
“Sabah” gazetı: "Qaraismailoğlu: “Bez dön’yada 14nçe urında”"
Transport häm asqorma ministrı Adil Qaraismailoğlu Türkiyä sudnolar parkınıñ 41 million dedveyt tonnağa (DWT) citüen häm bu räweşle Türkiyäneñ dönyanıñ iñ zur köymä flotına iyä 14nçe il buluın belderde.
“Star” gazetı: "Türkiyä 110 ilgä sattı"
Türkiyädän uzğan yılda 110 ilgä häm töbäkkä 9 milliard 264 million 807 meñ dollar külämendä ciñel avtomobil’ êksportı başqarıldı.
“Xäbär Türk” gazetı: "Türkiyäneñ tağın 10 täm-läzzäte Awrupa Berlegendä terkälü yulında"
Sänäğät häm texnologiya ministrı Mustafa Varank TÜRKPATENT Törek patent häm säwdä markası oyışması tarafınnan Türkiyäneñ tağın 10 täm-läzzäte öçen Awrupa komissiyasına terkäw möräcäğäteneñ yasaluın belderep: "Awrupa Berlege qarşında geografik işarät sanın 100gä citkeräçäkbez,” – dip äytte.
