Төрeк мaтбугaтынa күзәтү - Törek matbuğatına küzätü 28.09.2022
28нчe сентябрьдә бaсылып чыккaн кaйбeр төрeк гaзeтлaрынa күзәтү / 28nçe sentyabrdä basılıp çıqqan qayber törek gazetlarına küzätü
“Xäbär Türk” gazetı: “Ärdoğan: “Könbatış yärdäme Greśiyanı saqlap qalmas””
İlbaşı Räcäp Tayyip Ärdoğan utrawlarnı qorallandırğan Greśiyağa kisken reakśiya kürsätte. Könbatış Trakiyada häm utrawlarda cıyılğan qorallarnıñ Türkiyä öçen bernindi mäğ’näse bulmawına basım yasawçı Ärdoğan: “Bezneñ köçebez häm mömkinleklärebez monnan küpkä artığraq”, - dide. Ärdoğan: “Amerika Quşma Ştatlarınnan, Awrupadan kürsätelgän yärdäm sezne saqlap qalırmı? Saqlap qalmas”, - dip äytte.
“Star” gazetı: “Litva: “Türkiyägä forsat tudı””
Türkiyäneñ geografik torışı cähätennän Awrupağa yaqın buluınıñ ähämiyät qazanuına häm şaqtıy ölkädä töp rol’ uynawına basım yasawçı Litvanıñ Änkara tulı wäqalätle ilçese Riçardas Degutis: “Litva belän Türkiyä arasında urnaştırılaçaq xezmättäşlek yaña forsatlarnı tudıraçaq”, - dide. Litva parlamentı äğ’zase Rimante Şalaşyavyaçyute dä Türkiyä belän kapital salu ölkäsendä qıyu adımnar yasawları zarurlığın äytte.
“Sabah” gazetı: “Türkiyä cil ênergiyasında Awrupanıñ innovaśion üzäge bulunı maqsat itä”
Ênergetika häm tabiğıy çığanaqlar ministrı Fatih Dönmäz Türkiyäneñ cil ênergiyası tarmağında Awrupanıñ häm töbäkneñ yaña citeşterü häm innovaśiya üzägenä äylänüne maqsat itüen belderde. Dönmäz, Türkiyäneñ Awrupanıñ 5nçe zur cil caylanmaların êşläp çığaruçısı buluın belderep: “2021nçe yılda 50gä yaqın ilgä yaqınça 1 milliard yarım yevro külämendä cil turbinası häm caylanmaları êksportın başqardıq”, - dip äytte.
“Xörriyät” gazetı: “Dön’yaküläm êkonomistlar Türkiyädä oçraşa”
Kazna häm finans ministrlığınıñ qabul itüendä “İq’tisadi üzgäreşlär sammitı” qısalarında dönyanıñ aldınğı iq’tisadçıları İstanbulğa kilä. 29nçı sentyabr’ pänceşämbe könne (atnakiçen) başlanaçaq yuğarı däräcäle oçraşuda 12dän kübräk ildän üz ölkäsendä tanılğan uqıtuçı-ğalimnär qatnaşında yaña global’ iq’tisadi tärtip buldırğan forsatlar belän bergä şaqtıy tema quzğatılaçaq.
“Yäni Şafak” gazetı: “Ğaräp yäş’läreneñ yaratqan urını Türkiyä”
Könbatış Aziya häm Tön’yaq Afrikada 17 ildä 3 meñ 400 keşe belän ütkärelgän “Ğaräp yäş’läre anketası” Türkiyäneñ yäş’lärneñ favoritı buluın bilgele itte. Anketa ğaräp yäş’läreneñ AQŞ, Angliya häm Franśiya kebek Könbatış köçläreneñ kiresenä Türkiyäne, Qıtaynı häm Rusiyäne üzläre öçen yaqın kürüen kürsätte. Qatnaşuçılarnıñ 77%ı Türkiyäneñ köçle berlektäş buluın belderde.
