Törek matbuğatına küzätü 23.09.2022
Qayber törek basmalarına küzätü
“Sabah” gazetı yazğança Türkiye ilbaşı Räcäp Tayyip Ärdoğan Amerika Quşma Ştatları säfäreneñ soñğı könendä N’yu-Yorkta urnaşqan Törek Yortında jurnalistlarnıñ sorawlarına cawap birde. Ärdoğan Berläşkän Millätlär Oyışmasınıñ Türkiyä äytep kilgän noqtağa taba kilä başlawın açıqladı. Türkiyä däwlät başlığı Rusiyä-Ukraina suğışınıñ azağına yaqınlaşuı öçen härkemneñ qulınnan kilgänne başqaruı zarurlığın citkerde.
“Xörriyät” basması beldergänçä Amerika Quşma Ştatlarında urnaşqan New York Times gazetında Türkiye ilbaşı Räcäp Tayyip Ärdoğannıñ Rusiyä-Ukraina krizisında uynağan role maqtaldı. Ärdoğannıñ suğış waqıtında Rusiyä däwlät başlığı Vladimir Putin belän bulğan yaqın mönäsäbäten saqlap qalıp, suğışnıñ global’ täêsirlären ciñeläytergä tırışuı assızıqlandı.
“Yeni Şafak” gazetı citkergänçä BMO ğomüm särqätibe Antoniu Guterreş Rusiyä häm Ukraina arasında 200dän artıq äsir belän almaşudağı role öçen Türkiyägä räxmät belderde.
“Star” basması xäbärenä kürä milli suğış oçqıçı öçen Türkiyä-Rols Roys partnyerlığı xaqında açıqlaw yasağan Angliyaneñ tışqı êşlär ministrı Djeyms Kleverli tübädägeçä citkerde: “Türkiyä – NATO ile, Rols Roys da – ingliz şirkäte häm monıñ belän ğorurlanabız. Dön’yanıñ här poçmağındağı duslarıbıznıñ da bu iskitkeç şirkätlär belän êşläwenä şatmın.”
“Watan” gazetı yazğança Türkiyä statistika oyışması häm Türkiyä Cömhüriyät Üzäk bankınıñ xezmättäşlege alıp äzerlängän "Satıp aluçılar tendenśiyası anketası” näticälärennän xisaplanğan fasıl yoğıntısınnan arındırılğan qullanuçılar ışanıç indeksı sentyabr’dä uzğan ayğa qarağanda 0,3%qa artqan. Avgustta 72,2 bulğan indeks bu ayda 72,4 bularaq terkälde.
