Törek matbuğatına küzätü 16.09.2022

“Haber Türk” gazetı Ärdoğannıñ Aliyev belän söyläşüen citkerä

Türkiye ilbaşı Räcäp Tayyip Ärdoğan Azärbaycan däwlät başlığı İlham Äliyev belän oçraştı. Söyläşü Şanxay xezmättäşlege oyışması sammitı qısalarında Üzbäkstannıñ Sämärkand şähärendä uzdı. Ärdoğan belän Äliyevneñ oçraşuı matbuğatqa yabıq ide.

“Hürriyet” gazetı “Türkiyeneñ byudjetı profiśit birüen däwam itä” dip yaza

Byudjetta avgust ayında 3 milliard 586 million lira profiśit buldı. Yılnıñ 8 aylıq çorında ul 33 milliard liradan uzdı. Qazna häm finans ministrı Nuretdin Nebati: “İnvestiśiyä häm citeşterügä êtärgeç birüçe iq’tisad säyäsätebez üseşkä kiterä”-dide.

“Star” gazetı Türkiyeneñ iq’tisadi üseşe belän Könbatışnı aptıraşqa qaldıruı turında yaza.

İlbaşı Ärdoğannıñ êffektiv köräşe häm “Türkiye iq’tisadı modele”neñ uñışı könbatış däwlätlären şaqqattıra. Angliyäneñ “Financial Times” gazetında urın alğan analitik mäqalädä “Türkiyeneñ qaznasınıñ tulı buluı häm aqçağa qıtlıq kiçermäwläre başqa sıymıy” diyelä.

“Vatan” gazetı Türkiye çığarğan keşesez su öste apparatı turında citkerä.

Radioêlektron suğış köçenä iyä dön’yadağı täwge keşesez su öste apparatı Türkiyedä yasap çığarıldı. Saqlanu sänäğate idaräse räise Demir Twitterda bolay dip yazdı: “Türkiye suğış qırında wäzğıyät’ne üzgärtüçe bularaq kürsätelüçe keşesez hawa apparatlarınnan soñ qorallı keşesez diñgez apparatları belän dä üzen kürsätä. Marlin - Türkiyene NATOda wäkillek itüçe täwge keşesez platforma üzençälegenä iyä”.

“Yeni Şafak” “Oçuçı maşinalar täwge tapqır kük yözendä kürende” dip xäbär itä.

Bötendön’ya ÊyrTaksi kongressı bıyıl Türkiyedä ütte. 13nçe häm 14nçe sentyabr’dä uzğan çaradan soñ kiçä Kocaäli İT üzänlegendä vertikal’ şow kürsätelde. Şirkätlär üzläre yasap çığarğan tizlekle dronnar häm oçuçı taksilarnı qatnaşuçılarğa täq’dim itte.