Törek matbuğatına küzätü 1.09.2022
1 nçe sentyabr' könne basılıp çıqqan qayber törek gazetlarına küzätü
”Star” gazetı yazğança, milli saqlanu universitetınıñ diñgez häm hawa köçläre xärbi akademiyäsendä diplom tapşıru tantanasında çığış yasağan Türkiye ilbaşı Räcäp Tayyip Ärdoğan “Bez – qorallı häm qoralsız keşesez hawa apparatlarıbız belän köçle, bu qorallar doşmannarıbıznı da qurqıta” dide.
”Hürriyet” basması citkergänçä, Greśiyäneñ Ägäy diñgezendä wazıyfa oçışları başqarğan Türkiye reaktiv oçqıçların S-300 hawa saqlanu sistemaları belän tınıçsız itü mäs’äläse NATO ğa citkerelä. Türkiye radar yazmaların ittifaq illärneñ ministrlıqlarına cibäräçäk.
”Haber Türk” gazetı Türkiye – OECD häm G-20 illäre arasında iñ zur üseşkä ireşkän ikençe il dip yaza. Türkiye qazna häm finans ministrı Nurettin Nebati bıyılnıñ ikençe kvartalında 7,6%qa üskän Türkiye iq’tisadınıñ OECD häm G-20 illäre arasında iñ zur üseş alğan ikençe il buluın belderde.
”Yeni Şafak” gazetı yazğança, Türkiye iq’tisadındağı üseş dön’ya iğ’tibarınnan çittä qalmıy. “Bloomberg” media oyışması Türkiye iq’tisadınıñ ni genä bulsa da bozılmawı turında yazdı. “Bloomberg” ilbaşı Räcäp Tayyip Ärdoğannıñ êksport, citeşterü, êş belän täêmin itü süzlären xäterlätep, Türkiyeneñ G-20 illäreneñ üseş tempların uzıp kitüenä basım yasadı.
“Vatan” gazetı TOGG martta satuğa çığa dip xäbär itä. Sänäğät’ häm texnologiya ministrı Mostafa Varank Türkiye avtomobile TOGGnıñ martta yullarda bulaçağın äytte. Ministr Bursanıñ Gemlik ilçäsendä tözelä torğan êşxanäneñ 29 nçı oktyabr’dä açılaçağın citkerde.
