Törek matbuğatına küzӓtü 16.08.2022
Qayber törek basmalarına küzätü
“Watan” gazetı yazğança Türkiye prezidentı Räcäp Tayyip Ärdoğan ğomüm başlıq bulğan Ğadӓlӓt hӓm qalqınu partiyaseneñ 21 qorılış yıllığı programmasında çığış yasap, Türkiyeneñ cirle avtomobile TOGGnıñ ӓzer buluın açıqladı. “29 oktӓbr’ könne Türkiyeneñ avtomobil’ êşxanӓseneñ rӓsmi açılışın yasayaçaqbız. 2023 yılnıñ berençe kvartalında avtomobilebez yullarda bulaçaq,” – dide ul.
“Star” basması beldergӓnçӓ Türkiyedӓn ber xӓrbi wӓkillek F-16 xӓrbi oçqıçın satıp alu hӓm modernizaśiyase prośessı belӓn bӓyle söylӓşülӓr öçen AQŞqa kitte. Milli saqlanu ministrlığınnan yasalğan açıqlawda wӓkillekneñ AQŞnın çaqıruı belӓn kitüe citkerelde.
“Yeni Şafak” gazetı xӓbӓrenӓ kürӓ bar dön’yada Türkiyeneñ cirle hӓm milli qorallı keşesez hawa apparatların söylӓşӓlӓr. Soñğı itep franśuz matbuğatı Bayraktar TB2 hӓm Qızılalma turında yazdı.
“Xörriyӓt” basması citkergӓnçӓ Berlӓşkӓn Millӓtlӓr Oyışmasınıñ Bötendön’ya Turizm oyışması ğomüm sӓrqӓtibe Zurab Pololikaşvili Türkiye belӓn bӓyle bularaq bolay dide: “Türkiye - hiçşiksez, aldınğı turizm urınnarınnan berse. Kübrӓk turist cӓlep itü öçen ixtıyacı bulğan professional keşe resursları hӓm turizm töbӓklӓre bar.”
“Xabӓr türk” gazetı yazğança İstanbul aêroportı 8-14 avgust könnӓrendӓ Awrupadağı iñ küp oçqıç sӓfӓrlӓre bulğan hawa mӓydannarı arasında könenӓ urtaça 1332 reys belӓn berençe urınnı aldı.
