Törek matbuğatına küzätü 04.08.2022
4nçe avgustta çıqqan qayber törek gazetlarına küzätü
“Yeni Şafak” gazetı Törkiyä tışqı êşlär ministrı Çavuşoğlunıñ Rusiyädäge wazıyfadaşı belän söyläşüen citkerä.
Mäwlet Çavuşoğlu kiçä Rusiyä tışqı êşlär ministrı Sergey Lavrov belän söyläşüen belderde. “Utnı tuqtatu belän bäyle ömetlärebezne äyttek. Regionnıñ häm dön’yanıñ tınıçlığı öçen tırışlıq quyunı däwam itäçäkbez,”-dide ul.
“Vatan” gazetı AQŞnıñ Törkiyägä aşlıq öçen räxmät äytüen citkerä.
AQŞ däwlät särqatibe Êntoni Blinken aşlıq korabı Razoninıñ kileşü qısalarında xäräkät itüenä qanäğat’ qaluların belderde häm tırışlığı öçen Törkiyägä räxmät äytte.
“Sabah” gazetı êksporttağı yaña rekord xaqında yaza.
Säwdä ministrı Mäxmät Muş bolay dip belderde: “İyül’ ayında êksportıbız, uzğan yılnıñ şul uq ayı belän çağıştırğanda, 13,4%qa arttı häm 18,6 milliard dollar täşkil itte. Bu kürsätkeç - iñ yuğarı iyül’ ayı sanı”.
“Star” gazetı “Wazıyfasına äzer: Törkiyä öçen neft’ häm tabiğıy gaz êzläyäçäk” dip yaza.
İl neft’ häm tabiğıy gaz êzläwen däwam itä. Abdülxämid Xan borawlaw korabı 9nçı avgustta tantana belän berençe wazıyfasına kereşäçäk.
“Hürriyet” gazetı Kuşadasına kilgän kruiz korabları turında xäbär itä.
Törkiyäneñ Aydın töbäge Kuşadası rayonındağı Êgey portına kiçä Bagama bayraqlı “Odyssey Of The Seas”, İtaliyä bayraqlı “Costa Venezzia” häm Panama bayraqlı “Armonia” dip ataluçı 3 zur kruiz korabı belän 8 meñ 270 turist kilde.
