Törek matbuğatına küzӓtü 03.08.2022
Qayber törek basmalarına küzätü
“Xörriyӓt” gazetı yazğança Törkiyӓneñ saqlanu ministrlığınnan yasalğan açıqlawğa kürӓ Ukrainanıñ Odessa portınnan kukuruz töyӓp çıqqan “Razoni” köymӓse İstanbul buğazınnan Qara diñgezgӓ kergӓn urında tuqtaldı.
“Star” basması Törkiyӓ-Üzbӓkstan-Azӓrbaycan Öç yaqlı Tışqı êşlӓr, Sӓwdӓ hӓm Transport ministrları cıyılışında açıqlaw yasağan Törkiyӓ tışqı êşlӓr ministrı Mӓwlüt Çavuşoğlunıñ süzlӓren uquçıları belӓn urtaqlaşa: “Törki dön’yanıñ iminlegen arttıraçaq adımnarğa mondıy cıyılışlarda östenlek birergӓ tiyeş bez. Bu rӓweşle oçraşuıbız ğına da xalıqlarıbız hӓm bar dön’yağa bik köçle yullama yasıy.”
“Watan” gazetı beldergӓnçӓ Sӓnӓgӓt’ hӓm texnologiya ministrı Mostafa Varank tübӓndӓge açıqlawnı yasadı: “Çanakkalӓdӓ 80 - 100 milliard dollarlık altın hӓm kömeş cir astında yata.”
“Sabah” basması xӓbӓrenӓ kürӓ dön’yada barı tik Törkiyӓneñ Êlazığ vilayӓtendӓge Alacakaya rayonında çığarıluçı çiyӓ tösendӓge mӓrmӓr Amerika, Qıtay, Franśiya, İtaliya hӓm Soğud Ğarӓbstanı belӓn ber rӓttӓn 60 ilgӓ êksportlana. Ӓlege mӓrmӓr Aq Yort, AQŞ Kongressı binası, Ӓl-Aqsa mӓçete hӓm Kӓgbӓ belӓn bergӓ dön’yanın prestijlı urınnarında qullanıla.
“Yeni Şafak” gazetı yazğança pandemiyanıñ betüe belӓn kruiz turizmında barlıqqa kilgӓn xӓrӓkӓt Törkiyӓ faydasına buldı. Yılnıñ berençe 6 ayında 286 köymӓ 200 meñ tirӓse yulçısı belӓn Törkiyӓ portlarında tuqtaldı. Bıyıl 900 kruiz köymӓsendӓ barlığı million yarım turistnıñ kilüe kötelӓ.
