Törek matbuğatına küzӓtü 01.08.2022
Qayber törek basmalarına küzätü
“Xörriyӓt” gazetı yazğança Törkiyӓneñ tışqı êşlӓr ministrı Mӓwlüt Çavuşoğlu sośial’ sӓxifӓdӓge akkauntında Serbiya-Kosovo çigendӓge kiyerenkelek belӓn bӓyle açıqlaw yasadı. Törek ministrı: “Serbiya-Kosovo çigendӓge kiyerenkelektӓn soñ serb hӓm kosovolı xezmӓttӓşlӓrem belӓn küreştem. Törkiyӓ Balkandağı tınıçlıq hӓm totrıqlılıqqa hӓrwaqıt ӓhӓmiyӓt birӓ. Yaña kiyerenkeleklӓrneñ berkemgӓ dӓ faydası yuq. Kiyerenkelekne azaytu öçen qulıbızdan kilgӓnne başqarırğa ӓzer bez,” – dide.
“Star” basması beldergӓnçӓ Törkiyӓneñ Sӓnӓgӓt’ hӓm texnologiya ministrı Mostafa Varank keşesez diñgez apparatlarında dön’yadağı trendnıñ yaña başlanuın belderep: “Törkiyä bularaq keşesez hawa apparatlarında bulğanı kebek tiz üsä alsaq, dön’yada ixtıyac toyılğan illärdän berse bula alabız,” – dide.
“Sabah” gazetı xӓbӓrenӓ kürӓ Saqlanu ministrlığı kiçӓ açıqlaw yasap, Törkiyӓneñ su basu afӓte barlıqqa kilgӓn İranğa oçqıç belӓn yӓrdӓm cibӓrüen citkerde.
“Watan” basması citkergӓnçӓ Törkiyӓneñ Avtomobil’ oyışmaları törkeme TOGGnıñ yuğarı dӓrӓcӓle citӓkçese Mӓxmӓt Gürcan Karakaş TOGGnıñ 2023 yılnıñ berençe kvartalında Törkiyӓdӓ, bu könnӓn 18 aydan soñ da Awrupada yullarda bulaçağın ӓytte.
“Yeni Şafak” gazetı yazğança törek motośiklistı Toprak Razgatlıoğlu Çexiyadağı Bötendön’ya Superbayk çempionatında berençe buldı. Toprak bu nӓticӓ belӓn Bötendön’ya Superbayk çempionatında 2nçe tapqır ciñü yawladı.
