Törek matbuğatına küzӓtü 22.07.2022
Qayber törek basmalarına küzätü
Törek matbuğatına küzӓtü 22.07.2022
“Xörriyӓt” gazetı yazğança Törkiyä ilbaşı Räcäp Tayyip Ärdoğan rӓislegendӓ kiçӓ başqala Ӓnkarada oyıştırılğan Milli İminlek Şurası cıyılışınnan soñ açıqlanğan beldergedӓ: “Terrorçılıqqa qarşı körӓş operaśiyalӓre turında mӓğlümat birelde, çaralar söylӓşelde,” – dip ӓytelde. Beldergedӓ ayıruça Greśiyaneñ qotırtuçı ğamӓllӓreneñ artıp, dӓwam itüeneñ qabul itelmӓslek buluı citkerelde.
“Star” basması beldergӓnçӓ Ğıyraqnıñ Duhok töbӓgendӓ oyıştırılğan höcüm belӓn bӓyle kiçӓ açıqlaw yasağan Törkiyӓ tışqı êşlӓr ministrı Mӓwlüt Çavuşoğlu bolay dide: “Törek qorallı köçlӓrennӓn alınğan mӓğlümatqa kürӓ tınıç xalıqqa qarata höcümebez bulmadı.”
“Sabah” gazetı citkergӓnçӓ Törkiyä ilbaşı Räcäp Tayyip Ärdoğannıñ xӓlӓl cefete Ӓminӓ Ӓrdoğanğa “Qaldıqlarsız proyekt” belӓn klimatnı saqlaw mӓs’ӓlӓsendӓ kürsӓtkӓn liderliğı öçen Dön’ya bankı tarafınnan berençe tapqır birelüçe “Klimat hӓm qalqınu Liderlık bülӓge” tapşırıldı.
“Xӓbӓt türk” basması xӓbӓr itkӓnçӓ Mersinneñ Gülnar rayonında tözelüçe Törkiyӓneñ berençe atom-töş üzӓk stanśiyase Akkuyuda 4nçe hӓm soñğı reaktornıñ nigeze kiçӓ tantanalı rӓweştӓ salındı. Törkiyӓneñ Ênergetika hӓm tabiğıy çığanaqlar ministrı Farix Dönmez 2023tӓ yӓgni Cömhüriyӓt qorıluınıñ 100 yıllığında açılışı yasalaçaq stansiyaneñ bügenge xӓle belӓn dön’yanıñ iñ zur tözeleş mӓydannarınnan berse buluın ӓytte.
“Watan” gazetı yazğança Törkiyӓdӓ cirle hӓm milli mömkinleklӓr belӓn yasalğan qorallı keşesez hawa apparatları dön’ya kön tӓrtibennӓn çıqmıy. Amerikalı “Wall Street Journal” gazetı “Dronnar, keşesez diñgez apparatları Törkiyӓne qoral sӓnӓgӓtendӓ köç üzӓgenӓ ӓylӓnderde” isemle mӓqalӓgӓ urın birde.
