Törek matbuğatına küzätü 20.07.2022
20 nçe iyül' könne basılıp çıqqan qayber törek gazetlarına küzätü
”Sabah” gazetı yazğança, Törkiyä ilbaşı Räcäp Tayyip Ärdoğan İran başqalası Tähranda Törkiyä, İran häm Rusiya arasında uzğan Astana formatındağı öç yaqlı sammitta bolay dip belderde:”Milli qurqınıçsızlığıbızğa yanağan usallıq, doşmanlıq çığanaqların Süriyädän quıp çığaraçaqbız. Tel Rıfat häm Münbiç terror üzägenä äyländelär”.
”Hürriyet” basması citkergänçä, Törkiyä ilbaşı Ärdoğan Tähranda yasağan belderüendä Törkiyä häm İranğa qurqınıç tudırğan terrorğa qarşı bergä köräşergä çaqırdı. İran ilbaşı İbrahim Räisi isä “Terrorçılar häm terrorçı oyışmalarnıñ isemnäre törle bulırğa mömkin. Keşelärgä qurqınıç tudıruçı -terrorçı” dide.
”Yeni Şafak” basması xäbär itkänçä, Törkiyä ilbaşı Ärdoğan İran belän säwdä külämen 7 milliard 500 million dollarğa citkerülären häm tiz arada 30 milliard dollarlıq säwdä maqsatına ireşergä ömetlänülaren äytte. İran ilbaş Räisi “Törkiyä ilbaşı Ärdoğannıñ bezneñ ilgä säfäre ike il arasındağı mönäsäbätlärdä möhim borılış bulaçaq” dide.
”Haber Türk” gazetı İranda uzğan öç yaqlı sammitttan soñ urtaq belderü yasaluı turında yaza. İran, Rusiya häm Törkiyä liderları terrorçılıqqa qarşı köräştä urtaq fiker belderdelär, Süriyäneñ möstäqil’lege häm cir bötenlegenä bağlılıqqa basım yasadılar.
”Star” basması Törkiyädä iyün’ ayında çit il keşelärenä toraq satuda iñ yuğarı aylıq kürsätkeçkä ireşelüen xäbär itä. Ağımdağı yılnıñ berençe yartısında çit il keşelärenä toraq atu 72,7 %qa artıp 35 meñ 383kä citte. Törkiyä xalıqara toraq investorlarınıñ iğ’tibar üzägendä torunı däwam itä, Antaliya häm İstanbul isä iñ populyar şähärlär.
