Törek matbuğatına küzätü 5.07.2022
5 nçe iyül' könne basılıp çıqqan qayber törek gazetlarına küzätü
”Haber Türk” gazetı yazğança, Törkiyä tışqı êşlär ministrı Mävlüt Çavuşoğlu “Azärbaycan belän Ärmänstan arasındağı normal’läşüne xuplıybız. Töbäkkä daimi tınıçlıq kiräk” dip belderde.
”Star” gazetı citkergänçä, 4 nçe iyül’dä Änkarada Törkiyä häm Ukraina xärbi delegaśiyäläreneñ oçraşuı uzdı. Törkiyä milli saqlanu ministrlığı beldergänçä, oçraşuda regional’ saqlanu, qurqınıçsızlıq mäs’äläläre xaqında fiker alıştılar.
”Vatan” gazetı xäbär itkänçä, Törkiyӓ êçke êşlӓr ministrlığı süzçese İsmail Çataklı iyün’ ayında terror oyışmalarına qarşı oyıştırılğan operaśiyälärdä 142 terrorçınıñ täêsirsez xälgä kiterelüen belderde.
”Sabah” basması yazğança, Törkiyä transport häm asqorma ministrı Adil Karaismailoğlu soñğı 20 yılda Törkiyäneñ transport häm êlemtä asqormasına 183 milliard dollar investiśiya kertelüen belderep, ”Şul räweşle milli keremnärgä 520 milliard dollar häm citeşterügä 1 trillion 79 milliard dollar öleş kerttek” dide.
”Hürriyet” gazetı Törkiyä txêkvondoçısı Nafia Kuşnıñ Aljirda uzuçı 19 nçı Urta diñgez uyınnarında xatın –qızlar arasında +67 kilogramm awırlıqta altın medal’ yawlawın uquçıları belän urtaqlaşa.
