Törek matbuğatına küzätü 14.6.2022

“Hürriyet” gazetı ilbaşı Ärdoğannıñ “Tawge gaz 2023nçe yılda sistemada bulaçaq” digän süzlären başçağa çığara.

Törkiyä ilbaşı Räcäp Tayyip Ärdoğan kiçä Qara diñgez gazına täwge ütkärgeç töşerü häm êretep yabıştıru tantanasında çığış yasadı. Ul: “2023nçe yılda kön sayın 10 million kubometr gaz sistemağa keräçäk,”-dide.  

“Sabah” gazetı ministr Çavuşoğlunıñ Greśiyägä yullaması turında yaza.

Törkiyä tışqı êşlär ministrı Mäwlet Çavuşoğlu kiçä Tön’yaq Kipr Törek cömhüriyäte ilbaşı Ärsin Tatar belän uzdırılğan matbuğat cıyılışında Greśiyä belän soñğı çorda bulğan kiyerenkelek xaqında süz quzğattı. “Xoquqlarıbıznı saqlaw mäs’äläsendä qararıbız nıq. Bez xezmättäşlek yaqlı, kiyerenkelek tügel. Greśiyä xoquqıy cawaplar birmi. Greśiyä barıp xalıqara cämäğat’çelek qarşında yılıy. Problemar bar ikän - bolarnı söyläşep xäl itä alabız,”-dide Çavuşoğlu.

 “Star” gazetı “Sänäğat’ citeşterüe indeksı yıllıq nigezdä 10,8% üseş kürsätte” dip citkerä.

Törkiyä statistika oyışması kiçä aprel’ ayınıñ sänäğat’ citeşterü indeksı näticälären belderde. Aña qarağanda, kalendar’ yoğıntısınnan çistartılğan kürsätkeç, uzğan yılnıñ şul uq çorı belän çağıştırğanda, 10,8%qa arttı.

“Vatan” gazetı “Antaliyägä hawa yulı belän kilgän turist sanı 3 millionnan arttı” dip yaza.

Törkiyä mädäniyät häm turizm ministrlığınıñ töbäk idaräse mäğ’lümatlarına qarağanda, 1nçe ğıynvardan 12nçe iyün’gä qadär Antaliyägä hawa yulı belän kilgän turist sanı 3 million 104 meñ 300 buldı.

“Haber Türk” gazetı Adäm Asilneñ ciñüe şatlığın urtaqlaşa

Xorvatiyädä uzğan Sänğat’le gimnastika dön’ya kubogı yarışlarında ir-atlar arasında törek gimnastı Adäm Asil bocrada altın medal’ yawladı.