Төрeк мaтбугaтынa күзәтү - Törek matbuğatına küzätü 27.05.2022
27нчe майда бaсылып чыккaн кaйбeр төрeк гaзeтлaрынa күзәтү / 27nçe mayda basılıp çıqqan qayber törek gazetlarına küzätü
“Xäbär Türk” gazetı: “Operaśiya milli ixtıyaclarnıñ zaruriyäte”
Milli İminlek şurası İlbaşı Räcäp Tayyip Ärdoğan räislegendä cıyıldı. Cıyılıştan soñ yasalğan belderüdä: “Kön’yaq çik buylarıbızdağı operaśiyälär milli ixtıyaclarnıñ zaruriyäte. Terror oyışmalarına qarşı operaśiyälär däwam itäçäk,” – dip äytelde.
“Sabah” gazetı: “Törkiyädän berlektäşlärgä çaqıru: Terrorçılıqnı yaqlamağız””
Törkiyä xalıqara ittifaqlarda härwaqıt berlektäşlek ruxın häm xoquqın ütäwen, şuşındıy uq cawaplılıqnı häm êçkersezlekne berlektäşlärennän dä kötüen belderde. Kiçäge Milli İminlek şurası beldergesendä terrorçılıqnı yaqlap, xalıqara xoquqnı bozuçı illärgä şuşı totışların beterü, Törkiyäneñ iminlek sizgerleklären iğ’tibarğa alu çaqıruı yasaldı.
“Watan” gazetı: “Stoltenberg: Törkiyä terrorçılıq belän köräşendä xaqlı””
NATO Ğomum särkätibe Yens Stoltenberg: “Berkem dä Törkiyä qadär terror höcümnärennän zarar kürmäde,” - diyıp, Törkiyäneñ terrorçılıq belän köräştä xaqlı buluın belderde. NATO Ğomum särkätibe terrorçılarnı yaqlawçı Şveśiya häm Finlyandiyanıñ ittifaqqa äğ’zalek möräcäğätläre qarşısında Törkiyäneñ qayber taläplär belderü xoquqına iyä buluın häm ber berlektäşneñ borçıluları bulğan çaqta bu borçılularnı xäl itüneñ zarurlığın citkerde.
“Star” gazetı: “Çavuşoğlunan anıq kisätü: Bez uydırmıybız”
Tışqı êşlär ministrı Mäwlüt Çavuşoğlu, Greśiyanıñ xalıqara kileşülärne iğ’tibarsız qaldırıp, Ägäy diñgezendäge utrawlarnı qorallandıruına reakśiya kürsätte. Monnan waz kiçelmägän oçraqta suverenlıq bäxäseneñ başlanaçağın iskärtep uzuçı Çavuşoğlu: “Bez uydırmıybız. Greśiya monı ütämäsä bez bu êşne tağın da alğa taba alıp barırbız. Greśiyanıñ adımnarı Törkiyägä yanaw buldıru maqsatın yörtä,” – dip äytte.
“Xörriyät” gazetı: ““Texnofest Azärbaycan” dulqınlanu belän başlandı”
Dön’yanıñ aldınğı texnologiya festival’läre arasında bulğan “Texnofest” aviaśiya, ğaläm häm texnologiya festivale Azärbaycan başqalası Baqıda kiçä başlandı. 120 meñ kvadrat metr mäydanda 4 kön buyı 50 meñ keşene qabul itüe kötelgän “Texnofest”tä 5 meñ keşe yarışaçaq. Dön’yada söyläşelgän Törkiyäneñ keşesez hawa apparatları “Bayraktar” häm “Akıncı” belän bergä oçqıçlar, boralaqlar häm köbäle texnika festival’dä täq’dir itelä.
