Törek matbuğatına küzätü 11.05.2022
11nçe may könne çıqqan qayber törek gazetlarına küzätü
“Hürriyet” gazetı Törkiyä belän Qazaqstan arasında imzalanğan 15 kileşü turında citkerä.
Qazaqstan ilbaşı Qasıym Cömärt Tokayev başqala Änkarağa räsmi säfär yasadı. Anıñ qısalarında ike däwlät arasında transport, saqlanu sänäğate, xärbi küzläw mäğ’lümatları, śifrlı texnologiyälär, mädäniyät, awıl xucalığı, säwdä, tamğaxanä, êkologiyä, mäğarif, yäş’lär êşläre, êlemtä häm arxiv tarmaqlarında 15 kileşü imzalandı.
“Haber Türk” gazetı Ärdoğannıñ “Rusiyä-Ukraina suğışı Törki däwlätlär oyışmasınıñ ähämiyäten kürsätte” digän süzlären citkerä.
Törkiyä ilbaşı Räcäp Tayyip Ärdoğan Rusiyä-Ukraina suğışınıñ Törki däwlätlär oyışması êçendäge berdämlek häm xezmättäşlekneñ ähämiyäten tağın ber qat kürsätüen belderde. Ul Qazaqstan ilbaşı Qasıym Cömärt Tokayıv belän Törki däwlätlär oyışmasınnan tış, BMO, islam xezmättäşlege oyışması häm İq’tisadi xezmättäşlek oyışması şikelle platformalarda qulğa-qul totınıp êşläwne däwam itäçäklären raslawların söyläde.
“Sabah” gazetı “Törkiyäneñ yaña çik qapqası Rizä-Artvin aêroportı” dip yaza.
Rizä-Artvin aêroportı xalıqara kerü häm çığuşarğa açıq daimi çik qapqası bularaq bilgelände. Aêroportnıñ açılışı 14nçe mayda ilbaşı Räcäp tayyip Ärdoğan häm Azärbaycan däwlät başlığı İlham Äliyev qatnaşında uzaçaq.
“Yeni Şafak” gazetı Azärbaycandağı Texnofest turında citkerä.
Dön’yanıñ iñ zur aviaśiyä, ğaläm häm texnologiyä festivale Texnofest Azärbaycannıñ başqalası Baqıda 26nçı maydan 29ına qadär uzaçaq. Ul danlıqlı Kristall xoll häm Diñgez buyı bul’varı milli parkında oyıştırılaçaq.
“Star” gazetı “Törkiyädäge bor rezervı dön’yanıñ meñ yıllıq ixtiyacın qanäğat’länderä ala” dip yaza.
Eti qazılma baylıq ob’yektları idaräse räise häm ğomum mödire Särkan Käläşär Törkiyäneñ dön’yadağı bor yatmalarınıñ 73%ına iyä buluın belderde. Bor qazılmaları kiläçäkneñ ênergetika çığanaqlarınnan berse bularaq qarala.
