Төрeк мaтбугaтынa күзәтү - Törek matbuğatına küzätü 29.04.2022
29нчы апрельдә бaсылып чыккaн кaйбeр төрeк гaзeтлaрынa күзәтү / 29nçı apreldä basılıp çıqqan qayber törek gazetlarına küzätü
“Star” gazetı: “Ärdoğan: “Yaña çornı başlatu öçen tırışabız”
İlbaşı Räcäp Tayyip Ärdoğan sośial’ media akkauntlarınnan urtaqlaşqan yazmasında Soğud Ğäräbstanı patşası Sälman bin Abdülaziz Al Suudnıñ qunapı bularaq Soğud Ğäräbstanına kitüen iskärtep uzıp: "Soğud Ğäräbstanına säfär yasıybız. Tarixi, mädäni, humanitar bağlanışlarğa iyä ike qardäş il bularaq arabızdağı härtörle säyäsi, xärbi, iq’tisadi êlemtälärneñ arttırıluı häm yaña çornıñ başlanuı öçen tırışabız," – dip belderde.
“Xäbär Türk” gazetı: “İlbaşı Ärdoğan Rusiyä Däwlät başlığı Putin belän söyläşte”
İlbaşı Räcäp Tayyip Ärdoğan kiçä Rusiyä Däwlät başlığı Vladimir Putin belän söyläşte. Söyläşü waqıtında Rusiyä häm Amerika Quşma Ştatları arasında Törkiyädä yasalğan totqın belän almaşu häm Ukrainadağı suğışqa qağılışlı täräqqıyätlär quzğatıldı. Putin Törkiyädä tormışqa aşırılğan totqın belän almaşu öçen İlbaşı Ärdoğanğa räxmät äytte.
“Yäni Şafak” gazetı: “Törek hawa kiñlegen berniçä tapqır bozğan Greśiyağa şunda uq cawap qaytarıldı”
Tışqı êşlär ministrlığı süzçese, tulı wäqalätle ilçe Tanju Bilgiç, Greśiya hawa köçläreneñ 26nçı-28nçe aprel’dä Törkiyä yar buylarına yasağan provokativ oçışlarğa häm bozu oçraqlarına cawap qaytarıluın belderep: "Kiyırenkelekne başlatuçı häm arttıruçı taraf Greśiya bulsa da, ilebezneñ nigezsez raslawlar belän gäyıplänelüe ike il arasında soñğı waqıtta barlıqqa kilgän uñay kön tärtibenä häm yaxşı kürşe mönäsäbätlärenä turı kilmi,” – dip äytte.
“Vatan” gazetı:“Törkiyä-Ärmänstan arasındağı söyläşülärneñ köne bilgele buldı”
Tışqı êşlär ministrlığınnan kiçä yasalğan belderüdä Törkiyä häm Ärmänstan arasında mönäsäbätlärne cayğa salu barışınıñ öçençe söyläşüeneñ 2022nçe yılnıñ 3nçe may könne Awstriya başqalası Venada uzaçağı äytelde.
“Xörriyät” gazetı: “THY däwam itelä aluçanlıq temalı berençe oçışın Stokgol’mğa yasadı”
Törek hawa yulları êkologik yağulıq operaśiyasın başqarğan “Airbus 321” törendäge “TC-JSU” bort nomerlı oçqıçına yafraq şäkellärennän torğan maxsus dizayn belän bizälgän täwge oçışın Stokgol’mğa yasadı.
