Төрeк мaтбугaтынa күзәтү - Törek matbuğatına küzätü 08.04.2022
8нче апрельдә бaсылып чыккaн кaйбeр төрeк гaзeтлaрынa күзәтү / 8nçe apreldä basılıp çıqqan qayber törek gazetlarına küzätü
“Yäni Şafak” gazetı: "Çavuşoğlu: “Buçadan kilep citkän sürätlär söyläşülärne külägä astında qaldırdı”"
Tışqı êşlär ministrı Mäwlüt Çavuşoğlu, NATO tışqı êşlär ministrları cıyılışınnan soñ yasağan belderüendä Rusiyä-Ukraina suğışında söyläşülärneñ uñay baruına qaramastan Buçadağı tınıç xalıq ütereleşeneñ qabul itelmäslek buluına basım yasap: "Bu sürätlär söyläşülärgä häm pozitiv atmosferağa zıyan kiterde. Şulay da şuşı awır şartlarda da xätta söyläşülärneñ däwam itelüe zarur”, - dip äytte.
“Xäbär Türk” gazetı "AQŞ Törkiyägä potenśial F-16 satuınıñ AQŞ häm NATO mänfäğätlärenä xezmät itäçägen äytte"
AQŞ däwlät departamentı Kongressqa cibärgän xatında Bayden citäkçelegeneñ Törkiyägä potenśial F-16 xärbi oçqıç satuınıñ Amerika Quşma Ştatlarınıñ milli iminlek mänfäğätlärenä turı kiläçägenä häm ber ük waqıtta NATOnıñ ozaq möddätle berlegenä xezmät itäçägenä ışanuı belderelde.
“Star” gazetı: "Törek söläyman balığı İspaniyada tanıtılaçaq"
Yılnıñ berençe çiregendä 20 ildä satıp alınğan törek söläyman balığınıñ 26nçı-28nçe aprel’dä İspaniyada oyıştırılaçaq yärminkädä tanıtılıp, êksport bazarınıñ zuraytıluı maqsat itelä.
“Xörriyät” gazetı: "Turistlar Marmarisqa kilä başladı"
Törkiyäneñ häm dönyanıñ iñ populyar turizm şähärlärennän berse bulğan Muğlanıñ Marmaris ilçäsendä qunaqxanälär, yaña sezonğa äzerleklären tämamlap, qunaqlarnı qabul itä başlağan bulsa, kübese Angliyadan, İzraildän, Bel’giyädän häm İrannan bulğan turistlar qoyaşnı kürü belän yar buylarına aşıqtı.
“Sabah” gazetı: "Dön’yaküläm tanılğan cırçı urtaqlaştı! Törek äbünäçeläre añlatmalar yawdırdı"
Dön’yaküläm tanılğan cırçı Halsey sośial’ media akkauntınnan törekçä urtaqlaşqan yazması belän üzenä iğ’tibarnı cälep itte. Amerikalı cırçı ulı Ändär häm söygäne Aläv Aydın da bulğan sürätne "Söyü urtaqlaşqan sayın kübäyä" süzläre belän üzen küzätep baruçılarğa citkerde. Maqtaw süzlärenä kümelgän sürät astına meñnärçä törek üz fikerlären yazıp qaldırdı.
