Төрeк мaтбугaтынa күзәтү - Törek matbuğatına küzätü 18.03.2022
18нчe мартта бaсылып чыккaн кaйбeр төрeк гaзeтлaрынa күзәтү / 18nçe martta basılıp çıqqan qayber törek gazetlarına küzätü
“Sabah” gazetı: "Ärdoğan belän Putin telefonnan söyläşte "
İlbaşı Räcäp Tayyip Ärdoğan Rusiyä Däwlät başlığı Vladimir Putin belän telefonnan söyläşte. Ärdoğan, qayber mäs’älälärdä kileşügä ireşüneñ liderlar däräcäsendä söyläşülärne zarur itä alaçağın bilgeläp, Putin belän Ukraina Däwlät başlığı Volodimir Zelenskiyne İstanbulda yäki Änkarada qunaq itü täq’dimen qabatladı.
“Xörriyät” gazetı: "Çavuşoğlu: “Utnı tuqtatu öçen ömetlärebez arttı””
Tışqı êşlär ministrı Mäwlüt Çavuşoğlu Mäskäw säfärennän soñ kitkän Ukrainanıñ L’vov qalasında Tışqı êşlär ministrı Dmitro Kuleba belän küreşep söyläşte. Çavuşoğlu oçraşudan soñ yasağan belderüendä utnı tuqtatu öçen ömetlärneñ artuına iğ’tibarnı yünältte.
“Star” gazetı: "Kuleba: “Sezneñ batırlığığız – Törkiyäneñ aktiv uyınçı buluın isbatlıy”"
Törkiyäne Rusiyä-Ukraina suğışınıñ çişeleşendä garant illär arasında kürergä teläwlären äytüçe Ukraina tışqı êşlär ministrı Dmitro Kuleba ministr Çavuşoğluna şäxsi tırışlığı öçen räxmäten citkerde. Kuleba: "Sezneñ qatğıylığız, batırlığığız häm şäxsi tırışlığığız – Törkiyäneñ aktiv uyınçı buluın isbatlıy”, - dip äytte.
“Yäni Şafak” gazetı: "Töreklär yäşäwçe urınnarda ğailä attaşeları açılaçaq"
Ğailä häm sośial’ xezmätlär ministrı Där’ya Yanık, çit ildä, bigräk tä Awrupada törek cämğıyäteneñ opeka problemasın yäşäwen belderep: ''Törek cämğıyätläre yäşägän här urında ğailä attaşeların açırğa telibez”, - dip äytte.
“Xäbär Türk” gazetı: "Bötendönya sälamätlek saqlaw oyışmasınnan Törkiyägä migrant sälamätlege öçen maqtaw süzläre "
Bötendönya sälamätlek saqlaw oyışmasınıñ Awrupa töbäk direktorı doktor Hans Kluge Awrupa Berlege migraśiya häm sälamätlek saqlaw yuğarı däräcäle cıyılışı öçen İstanbulnı saylap alularınıñ säbäbeneñ Törkiyäneñ böten migrantlarğa sälamätlek saqlaw xezmätlären ayırımlılıq yasamıyça tigez räweştä başqaruğa bäyle buluın äytte.
