Төрeк мaтбугaтынa күзәтү - Törek matbuğatına küzätü 14.03.2022

“Xörriyät” gazetı: “İlbaşı Ärdoğan Greśiya Baş ministrı Miçotakis belän küreşte”

İlbaşı Räcäp Tayyip Ärdoğan kiçä Greśiya Baş ministrı Kir’yakos Miçotakis belän oçraştı. Söyläşü waqıtında Törkiyä-Greśiya mönäsäbätlärenä qağılışlı könüzäk geopolitik täräqqıyätlär belän Rusiyä-Ukraina suğışı quzğatıldı.

“Xäbär Türk” gazetı: “BMOdan İlbaşı Ärdoğanğa räxmät”

İlbaşı Ärdoğan Berläşkän Millätlär Oyışması Ğomum särkätibe Antonio Guterres belän kiçä telefonnan söyläşte. İlbaşı idaräseneñ êlemtä räislegennän yasalğan belderügä kürä, söyläşü waqıtında Guterres Ärdoğanğa Rusiyä-Ukraina arasında aradaşçılıq kereşüläre, tınıçlıqqa öleş kertü tırışuları häm diplomatik tırışlıqları uñayınnan räxmätlären citkerde.

“Sabah” gazetı: “Çavuşoğlu: “Bezneñ ilgä ışanıç açıq””

Kiçä Antaliya diplomatiya forumınnan soñ belderü yasawçı Tışqı êşlär ministrı Mäwlüt Çavuşoğlu, Rusiyä-Ukraina suğışı belän bäyle bäyäläw yasap: "Här ike yaqnıñ da şuşı cıylışqa bezneñ dä ayıruça qatnaşuıbıznı teläwe ilebezgä ışanıçnı kürsätä”, - dip äytte.

“Yäni Şafak” gazetı: “Altun: “Bezneñ il dönya yöräge tibä torğan urın bulaçaq””

İlbaşı idaräseneñ êlemtä başlığı Fahrettin Altun Törkiyäneñ monnan soñ da diplomatik häm strategik yaqtan dönyanıñ yöräge tibä torğan urını bulaçağın belderde. Altun kiçä sośial’ media akkauntındağı yazmasında Törkiyäneñ strategik cähättän iyä bulğan yoğıntısı belän geopolitik häm geoêkonomik yaqtan dönyadağı ähämiyäten soñğı ber atnadağı xäräkäte belän bilgele itüen belderde.

“Star” gazetı: “Fränsis: “Törkiyädän öyränergä telibez””

Kiçä Antaliya diplomatiya forumında açıqlawlar yasawçı häm Törkiyädäge texnologik häm asqorma alğarışlarınnan bik täêsirlänüen citkerüçe S’erra-Leone tışqı êşlär ministrı Dävid Fränsis: “Törkiyädän öyränergä telibez. Törkiyägä kilgän çaqta häm Törkiyäneñ ber yağınnan ikençe yağına säyäxät itkän çaqta asqormadağı alğarışlarnı küräsez”, - dip äytte.