Törek matbuğatına küzӓtü 20.01.2022

“Watan” gazetı yazğança Törkiyä ilbaşı Räcäp Tayyip Ärdoğan Kabinet cıyılışınnan soñ açıqlaw yasap, bar dön’ya kizüneñ yaña dulqını arqasında awır könnӓr ütkӓrüen belderep: “Sӓlamӓtlek saqlaw sistemabız xastaxanӓ hӓm reanimaśiyadan alıp vakśinağa qadӓr kizü belӓn körӓştӓ kirӓkle hӓrtörle ixtıyacnı qanӓğat’lӓnderergӓ citӓ. TURKOVAK vakśinabız yӓrdӓmendӓ monnan soñ üzebezne tağın da yaxşı qarıybız,” – dide.

“Yeni Şafak” basması İlbaşı idarӓse süzçese İbrahim Qalınnıñ tübӓndӓge süzlӓren uquqçıları belӓn urtaqlaşa: “Törkiyӓ Rusiyӓ belӓn Ukraina arasındağı kiyerenkelekne azaytu öçen başqara alaçaq hӓr wazıyfanı cirenä citkerergä ӓzer. Monı Rusiyӓgӓ hӓm Ukrainağa dus il bularaq hӓm şul uq waqıtta NATO berlektӓşe bularaq yasıybız. Kilӓse berniçӓ atna êçendӓ Törkiyä ilbaşı Räcäp Tayyip Ärdoğan dӓwlӓt başlığı Zelenskiy belӓn küreşer öçen Ukrainağa baraçaq.”

“Xörriyӓt” gazetı beldergӓnçӓ Törkiyӓ Böyek Millӓt Mӓclese başlığı Mostafa Şentop Könçığış Urta diñgez ütkӓrgeçe EastMed proyektı xaqında: “Bez baştan uq bu proyektnıñ sӓwdӓ öçen bulmawın uylıy idek. Barı tik Törkiyӓgӓ doşman bulu öçen sӓyӓsi maqsatlar belӓn mondıy proyektnıñ çınğa aşa almayaçağın baştan uq ӓyttek,” – dide.

“Star” basması xӓbӓrenӓ kürӓ Törkiyӓneñ qorallı keşesez hawa apparatları belӓn bӓyle Niderlandnıñ NRC gazetında urın alğan analizda Bayraktar TB2 turında “dön’yanın iñ yaxşısı” dip ӓytelde. Analizda Niderlandlı saqlanu belgeçe Stijn Mitzernıñ “Bayraktar TB2 operaśional’ cӓhattӓn dön’yanıñ iñ yaxşısı” digӓn süzlӓrenӓ urın birelde.

“Sabah” gazetı yazğança Football Wonderkids tözegӓn isemlekkӓ kürӓ Awrupa ligalarında iñ küp pas birüçe futbolçılar bilgelӓnde. Törkiyӓdӓn dӓ Yunıs Akgün isemlekkӓ üz isemen yazdırdı hӓm şaqtıy yӓş yoldıznı uzıp kitte.