Törek matbuğatına küzätü 03.01.2022

“Haber türk” gazetı yazğança Törkiyä ilbaşı Räcäp Tayyip Ärdoğan Rusiyä Federaŝiyase däwlät başlığı Vladimir Putin belän telefonnan söyläşte. İlbaşı idaräsennän yasalğan açıqlawğa kürä söyläşüdä Törkiyä-Rusiyä mönäsäbätlären üsteräçäk adımnar qaraldı, Qavqaz, Süriyä häm Liviya belän ber rättän regional’ mäs’älälär häm xalıqara täraqqıyät’lär quzğatıldı.

“Xörriyät” basması beldergänçä Antaliya 2021nçe yılda 9 million 81 meň 502 turistnı qabul itte. Ğıynwar-noyabr’ aylarında Antaliyağa iň küp turist Rusiyädän kilde. Rusiyä turistları sanı älege çorda 3 million 543 meñ 314 buldı.

“Watan” gazetı citkergänçä Qara diñgezdä alıp barıluçı êşçänleklärdä wazıyfa başqaru maqsatı belän yulğa çıqqan häm uzğan yılnıñ 7nçe oktäbrendä Zonguldaktağı Filyos portında tuqtalğan Yavuz Zondaj köymäseneñ Qara diñgezdäge berençe säfäre öçen sanaulı könnär qaldı. Manarası montajlanğan zondaj köymäse Yavuznıñ fevral’ ayında Qara diñgezgä çığuı kötelä.

“Sabah” basması xäbärenä kürä Amerika Quşma Ştatlarında qulğa töşerelgän Törkiyäneñ tarixi äsärläre bu ayda tuğan yaqqa qaytarıla.  

Mädäni baylıqlar häm muzeylar ğomüm mödirlegeneñ Kontrabanda belän köräş departamentı räislege Manxêtten prokuraturası belän alıp barğan êşçänlek qısalarında uzğan aynı antik sänğat’ äsäre kollekŝionerı Maykl Ştaynhardnıñ öyendä qulğa töşerelgän Anadolunıñ mädäni baylıqları bu ayda Törkiyäneñ N’yu-Yorktağı başkonsullığına tapşırılaçaq häm Törkiyägä qaytarılaçaq.

“Star” gazetı yazğança törek boksçısı Ali Êren Demirezen AQŞnıñ Florda ştatında oyıştırılğan boks matçında Amerikalı Djeral’d Vaşingtonnı texnik nakautta ciñde.