Төрeк мaтбугaтынa күзәтү - Törek matbuğatına küzätü 30.12.2021
30нчы декабрьдә бaсылып чыккaн кaйбeр төрeк гaзeтлaрынa күзәтү / 30nçı dekabrdä basılıp çıqqan qayber törek gazetlarına küzätü
“Xörriyät” gazetı: "Ärdoğan: “Pirinkayalar tunnele xalıqara bağlanışlarnıñ öleşe bulaçaq”"
İlbaşı Räcäp Tayyip Ärdoğan Ärzurum-Artvin yulında urnaşqan Pirinkayalar tunnelen açu tantanasında yasağan çığışında tunnel belän bergä Qavqazğa yünälgän transport xäräkäteneñ ciñeläyäçägen, tunnelneñ xalıqara bäyläneşlärneñ öleşe bulaçağın äytte.
“Yäni Şafak” gazetı: "İspaniya mediası: “Törkiyä 2030da iñ bay biş ildän berse bulaçaq”"
İspaniyanıñ iq’tisad jurnalı “Muy&Negocias Economia”da Törkiyä kiläçäktä iñ alğa kitkän iq’tisadqa iyä bulaçaq illär arasında kürsätelde. “2030nçı yılda dönyanıñ iñ bay illäre şuşılar bulaçaq” dip atalğan yazmada Törkiyäneñ arta baruçı 2 trillion yevro milli tulayım tabış belän bergä 2030nçı yılda dönyanıñ bişençe iq’tisadı bulaçağı turında äytelä.
“Star” gazetı: "Qardäş ildä ''Turkovak”qa raslaw"
Azärbaycanda yaña tör koronavirusqa (“Kovid-19”ğa) qarşı Törkiyädä êşläp çığarılğan “Turkovak” cirle vakśinasınıñ Faza 3 êşçänlegeneñ ütkärelüenä raslaw birelde.
“Sabah” gazetı: "Turizm ministrı Ärsoy: “Pandemiyağa qaramastan 2021dä 29 million turist sanın arttırdıq”"
Mädäniyät häm turizm ministrı Mäxmät Nuri Ärsoy: "Pandemiya şartlarına qaramastan 2021nçe yılda Törkiyä çit ildän kilüçelär sanında 29 millionnı, turizm keremendä dä 24 milliard dollarnı arttıra aldı”, - dip äytte.
“Watan” gazetı: "150 ilneñ tabınarın bizäp tora"
Anadolu cirlärendä üskän ciläk-cimeş häm yäşelçälärneñ, tämlätkeçlär, zäytün, zäytün mayı, kipkän cimeşlär, yarma, quzaqlılar häm maylı orlıqlarnıñ quşıluı belän täm-läzzät bäyrämenä äylängän qabımlıqlar, 150 ilneñ tabınnarın bizäp, 2021nçe yılnıñ ğıynwar’-noyabr’ aylarında Törkiyägä 207 million dollar valyuta kiterde.
