Törek matbuğatına küzätü 15.11.2021

“Star” gazetı Ärdoğannıñ “Dön’yada berençe urında” digän süzlären alğı planğa çığara.

Çanakkalä töbägendäge Troyan muzeyı uzdırğan “Äzinäle serjant Yax’ya” dokumental’ fil’mınıñ galasında ilbaşı Ärdoğan yäş’lär belän oçraştı. Ul “Çanakkalä 1915” küpereneñ Aziya häm Awrupa qıytğaların totaştıruın belderep, anıñ dön’yada berençe nomerlı buluın äytte.

“Vatan” gazetı Törkiyä tışqı êşlär ministrlığınıñ mesxet törkiläre turındağı belderüen citkerä.

Törkiyä tışqı êşlär ministrlığı mesxet törkiläreneñ Axıskadan sörelüeneñ 77 yıllığı uñayınnan “Axıska törkiläreneñ töp watannarına kire qaytu prośessın yaqınnan küzätep barunı häm qardäşlärebezgä kiräkle yärdämne kürsätüne däwam itäçäkbez” dip belderde.  

“Yeni Şafak” gazetı ministr Karaismailoğlunıñ söyençe citkerüe xaqında yaza.

Törkiyä transport häm asqorma ministrı Adil Karaismailoğlu beldergänçä, tizlege säğatenä 160 çaqrımğa citüçe berençe milli häm cirle êlektropoyızdnı yasaw êşçänlege tögällände. Ul tizdän watandaşlarğa xezmät itä başlayaçaq.

“Hürriyet” gazetı  “Awrupanıñ iñ çıdam aêroportı bezdä” dip yaza.

İstanbul aêroportınıñ operatorı İGAnıñ başqarma şurası räise häm ğomum mödire Kadri Samsunlı İstanbul aêroportınıñ 2020nçe yılda berençelek aluın häm 2021nçe yılda da aldınğılıq ixtimalınıñ yuğarı buluın belderde.

“Sabah” gazetı “Bötendön’ya kubogınıñ iminlege törek poliśiyäsenä tapşırıldı” dip xäbär itä.

Dön’yadağı iñ zur oyıştıru çaralarınıñ berse - 2022nçe yılnıñ 21nçe noyabrennän 8nçe dekabrenä qadär Katarda uzaçaq Bötendön’ya futbol çempionatında iminlekne Törkiyä poliśiyäse täêmin itä.