Төрeк мaтбугaтынa күзәтү - Törek matbuğatına küzätü 12.11.2021
12нчe ноябрьдә бaсылып чыккaн кaйбeр төрeк гaзeтлaрынa күзәтү / 12nçe noyabrdä basılıp çıqqan qayber törek gazetlarına küzätü
“Yäni Şafak” gazetı: “İlbaşı Ärdoğannan Miçotakiskä kisken süzlär”
İlbaşı Räcäp Tayyip Ärdoğan Greśiya Baş ministrı Kiryakos Miçotakisnıñ Törkiyäne nişan itep alğan açıqlawları belän bäyle bularaq: "5 million migrantnı qabul itkän ilne nişan itep alu böten mäğ’näse belän räxmätsezlek. Dön’yanı aldıy alasız, ämma Törkiyäne aldap bulmıy", - dip belderde. Ärdoğan, Greśiyanı bazağa äyländergän Amerika Quşma Ştatların da tänqıytläp: "Mäs’älä turında bez soraw birgän çaqta Djo Bayden häm AQŞ räsmiläre tuğrı xäräkät itmi. Üzlärenä saylağan kürşe yalğış kürşe”, - dip äytte.
“Sabah” gazetı: “Tışqı êşlär ministrlığınnan Könbatışqa migrantlar reakśiyası”
Tışqı êşlär ministrlığı Belarus-Pol’şa çigendä yäşängän migrant problemasında Törkiyägä qarata yäm’sez açıqlawlarğa reakśiya kürsätte. Ministrlıqtan yasalğan belderüdä: "Törkiyäneñ taraf bulmağan mäs’älädä problemanıñ öleşe kebek kürsätelergä tırışunı kire qağabız. Ayıruça bu mäs’älädä ütä kürenmäle räweştä mäğ’lümat urtaqlaşıluına qaramastan Törek hawa yulları kebek global’ külämdä xörmätkä iyä şirkätebezneñ tämek itep kürsätelüen añlı räweştä êşlängänen uylıybız”, - dip äytelde.
“Watan” gazetı: “Ministr Akar: “Törek qorallı köçläre dönyada az sanda ğaskärneñ alırğa sälätle yuğarı texnologiyağa iyä””
Milli saqlanu ministrı Hulusi Akar kiçä yasağan belderüendä: "Törek qorallı köçläre monnan arı dönyada bik äz sanda ğaskärneñ alırğa sälätle yuğarı texnologik östenleklärgä qawıştı. Saqlanu sänäğäte oyışmabız iyä bulğan kvalifikaśiyäle keşe resursları häm buldırğan êkosistema belän bez kilep citkän däräcä çınnan da ğorurlandırırlıq”, - dip äytte.
“Xörriyät” gazetı: “Awrupa Berlege Törkiyä öçen üseş farazın üzgärtte”
Awrupa Berlege komissiyasıAwrupa iq’tisadi farazlar 2021 közge xisabında Törkiyä öçen üseş farazın 5.2%tan 9%qa kütärde.
“Star” gazetı: “NATOdan tarixi “Xörqoş” qararı”
NATO Törkiyäneñ Grajdan aviaśiya ğomum mödirlegen “grajdan aviaśiya avtoritetı” bularaq tanıdı. Transport häm asqorma ministrı Adil Qaraismailoğlunıñ “tarixi adım” bularaq açıqlağan qarar belän bergä Grajdan aviaśiya ğomum mödirlege tarafınnan raslanğan “Xörqoş” NATO äğ’zase illärneñ ğaskärlärendä xärbi maqsatlı qullanıla alınaçaq.
