Törek matbuatına küzätü 08.11.2021

“Star” gazetı ilbaşı Ärdoğannıñ törek ğaskärlärenä möräcäğaten alğı planğa çığara.

Törkiyä ilbaşı Räcäp Tayyip Ärdoğan çik buyı saqçılarına möräcäğat’ itep: “Bayraq – bezneñ izgelärebez arasında iñ ähämiyätle urınnı totuçı qıymmätebez. Anı niçek saqlayaçağığıznı beläm,”-dide.

“Yeni Şafak” gazetı milli saqlanu ministrınıñ belderüenä urın birä.  

Törkiyä milli saqlanu ministrı Xulusi Akar 2015nçe yılnıñ 24nçe iyülennän bügengä qadär törek ğaskärläre täêsirsez xälgä kitergän terrorçı sanınıñ 32 meñ 859 buluın belderde. “Terrorçılar ike tön rättän ber ük urında yata almıy, arqalarında gel ğaskärlärebezneñ sulışın toya,”-dide ul.

“Vatan” gazetı tışqı êşlär ministrlığınıñ belderüen bastıra.

Törkiyä tışqı êşlär ministrlığı Ğıyraq xökümäte räise Mostafa Kazıminıñ öyenä keşesez hawa apparatı belän yasalğan höcümne ğayepläde. “Törkiyä, çığanağı nindi buluğa qaramastan, terrorçılıq belän köräştä Ğıyraq xalqı häm däwläte yanında” diyelä anda.

“Sabah” gazetı citkergänçä, Göbäklitäpägä kilüçe sanı kübäyde

Törkiyäneñ Şanlıurfa töbägendä 12 meñ yıllıq ütkäne belän “tarixnıñ başlanğıç noqtası” bularaq ataluçı Göbäklitäpägä ağımdağı yılnıñ 10 ayında yaqınça 460 meñ keşe kilgän. Bu älegä qadärge iñ yuğarı kürsätkeç.

“Hürriyet” gazetı Törek hawa yullarınıñ keçkenä yulçılar öçen maxsus säyäxät komplektları äzerläwen xäbär itä.

Törek hawa yulları bala yulçılar öçen büläk äzerläde. “Bir bişne” teması belän äzerlängän komplektlarda qolaqlıq, yokı küz bantı, oyıqbaş häm teş çistartu äyberläre bar. Anı Törkiyädän quzğaluçı yıraq säyäxätlärdä birälär.