Törek matbuğatına küzätü 05.10.2021

“Vatan” gazetı Törkiyäneñ Könçığış Urta diñgez öçen anıq yullamasın citkerä

Tışqı êşlär ministrı Mäwlet Çavuşoğlu Könçığış Urta diñgezdä Greśiyä häm Kön’yaq Kipr grek idaräseneñ ber’yaqlı häm provokaśion adımnarına qarşı Törkiyäneñ diplomatiyä häm ğadel büleşü yaqlı buluın assızıqladı. “Xaqlarıbıznı häm Kipr törekläreneñ xoquqların axırğa qadär yaqlayaçaqbız. Moña cawap birerdäy adım bulğanda, kiräklesen êşlärbez,”-dide ul.

“Yeni Şafak” gazetı Germaniyäneñ ARD telekanalınıñ Törkiyä qoral sänäğaten maqtawı xaqında citkerä.

Kanal Törkiyä qoral sänäğateneñ üseştä buluı xaqında xäbär çığardı. Anda: “Dronnar – can kergän törek saqlanu sänäğate êksportında iñ nıq satıluçı êşlänmä” diyelä.  

“Haber Türk” cirle avtomobil’neñ seriyäle citeşterüe başlanaçağı turında yaza.

Törkiyäneñ Avtomobil’ çığaru törkeme TOGGnıñ yuğarı idaräçese Mäxmät Gürcan Karakaş: “Kiläse yılnıñ urtasına qadär ob’yektlarnı cihazlandıru tögällängännän soñ stanśiya häm citeşterü tasmasında maşinabıznı yasıysı ğına qala. Kiläse yılnıñ axırında küpläp çığarunı başlarbız,”-dide.

“Star” gazetı “Törkiyäneñ maqsatı dulqınlandırdı” dip yaza.

Törkiyä ğaläm agentlığınıñ kosmik fännär bülege räise, professor İbrahim Küçük ilneñ bu tarmaqtağı maqsatınıñ Ayğa menü buluın belderde. “Oçırtu sälätebezne xäzerge waqıtta üsterergä tırışabız. Monıñ belän bäyle bik ähämiyätle uñışlar yasala. Ayğa menäçäk yäisä Ay orbitasına barıp citäçäk apparatnıñ test êşçänlege däwam itä,”-dip söyläde ul.

“Hürriyet” gazetı Formula 1 öçen Törkiyädä yasalğan maxsus kubok xaqında citkerä.

“Intercity İstanbul Park” tarafınnan maxsus yasalğan çempion kubogına tanılğan 8nçe viraj häm törek mädäniyätennän êlementlar kerä. Anıñ töp öleşendä pilotlar iñ nıq awırlıq çigüçe borılış teması sürätlänä, öske yağında – ay häm yoldız figuraları yasala, nigezendä isä törek motivların kürergä mömkin. Formula 1neñ Törkiyä Gran-pri turında saylap alu êtabı 9nçı oktyabr’, şimbä, yarış – 10nçı oktyabr’ yäkşämbe bulaçaq.