Төрeк мaтбугaтынa күзәтү - Törek matbuğatına küzätü 04.10.2021
4нче үктәбрьдә бaсылып чыккaн кaйбeр төрeк гaзeтлaрынa күзәтү / 4nçe üktäbr’dä basılıp çıqqan qayber törek gazetlarına küzätü
“Xäbär Türk” gazetı: "Ärdoğannıñ Yäş’lärne êş belän täêmin itü milli strategiyası häm ğämäl planı yazması"
İlbaşı Räcäp Tayyip Ärdoğan kiçä “Twitter” akkauntınnan: "Törkiyä yäş’ xalıq sanı yağınnan bik äz ildä bulğan zur potenśialğa iyä. Bu potenśialnı qullanu cähätennän şaqtıy ähämiyätle adım bulğan “Yäş’lärne êş belän täêmin itü milli strategiyası häm ğamäl planı”nıñ xäzerdän ük böten yäş’lärebezgä xäyerle buluın telibez”, - dip citkerde.
“Sabah” gazetı: "Milli saqlanu ministrlığınnan terrorçılıq belän köräş mäs’äläsendä mäğ’lümat birü"
Milli saqlanu ministrlığı kiçä terrorçılıq belän köräş turında mäğ’lümat birde. Şuşı mäğ’lümatlär nigezendä soñğı ber ayda 4se zur külämle, 17se urta külämle 21 operaśiya oyıştırıldı. Sentyabr’ ayında 139, 2021nçe yıl êçendä isä tuplam 2 meñ 81 terrorçı täêsirsez xälgä kiterelde.
“Xörriyät” gazetı: "Uğur Şahinnän vakśina belderüe"
“Fayzer” belän bergä yaña tör koronavirus (Kovid-19) vakśinasın qamilläştergän “BioNTex”nıñ yuğarı däräcäle citäkçese professor doktor Uğur Şahin virusnıñ mutaśiyasına däwam itäçägen häm bu wazğiyätneñ vakśinalar birgän immunitetnı azayta alaçağın alğa sörde. “Faynanşil Tayms” (Financial Times)ta çıqqan xäbärgä kürä, Şahin bu wazğiyätneñ yaña vakśinalarnıñ qamilläşterelüeneñ zarurlığın kürsätä alaçağı fikeren yaqladı.
“Star” gazetı: "Avtomobil’ êksportı sentyabr’dä 2 milliard yarım dollar buldı"
Törkiyäneñ avtomobil’ industriyası êksportı uzğan ayda 2 milliard 500 million dollar bularaq tormışqa aştı. 2021nçe yılnıñ ğinwar-sentyabr’ aylarında çit ilgä satu uzğan yılnıñ şul uq aylarına qarağanda 24% artu belän 21 milliard 300 million dollar buldı.
“Watan” gazetı: "İsmail Dämir: “MÄTÄ tämekne 12dän bäräçäk”"
Törkiyäneñ saqlanu sänäğätendäge iniśiativası köçle räweştä däwam itä. İlbaşı idaräseneñ saqlanu sänäğäte başlığı İsmail Dämir “Roketsan” tarafınnan qamilläşterelgän häm sınawları däwam itüçe lazerlı raketa sisteması “MÄTÄ”neñ iminlek köçlärenä mäydanda zur östenlek täêmin itäçägen häm tämekne 12dän bäräçägen belderde.
