Төрeк мaтбугaтынa күзәтү - Törek matbuğatına küzätü 22.09.2021
22нчe сентябрьдә бaсылып чыккaн кaйбeр төрeк гaзeтлaрынa күзәтү / 22nçe sentyabrdä basılıp çıqqan qayber törek gazetlarına küzätü
“Xäbär Türk” gazetı: “Ärdoğan: “Töbäktä Törkiyäne isäpkä almawçı añlayıştan vaz kiçelergä tiyeş””
İlbaşı Räcäp Tayyip Ärdoğan Berläşkän Millätlär Oyışması general’ assambleyasına möräcäğät itte. Çığışında Könçığış Urta diñgezdä iñ ozın yar buyına iyä Törkiyäne töbäktä yuq dip isäpläwçe añlayıştan waz kiçelüeneñ şart buluına basım yasawçı Ärdoğan: “Dialog häm xezmättäşlek öçen töbäktäge böten aktyorlar qatnaşaçaq “Könçığış Urta diñgez konferenśiyasen” oyıştıru täq’dimebez äle dä östäldä”, - dip äytte. Ärdoğan Kipr törek xalqınıñ xalıqara statusınıñ raslanuı zarurlığın da belderde.
“Xörriyät” gazetı: “Ärdoğannan dönyağa “Turkovak” söyeneçe”
İlbaşı Ärdoğan yaña tör koronavirus (Kovid-19) barışında Törkiyä bularaq berençe könnän birle qullarındağı mömkinleklärne dusları häm qardäşläre belän urtaqlaşırğa tırışuların belderde. “159 ilgä häm 12 xalıqara oyışmağa mediśina yärdämen cibärdek,” – dip äytüçe Ärdoğan cirle vakśina “Turkovak”nı yaqın waqıtta böten keşelek dönyasına täq’dim itäçäklärenä basım yasadı.
“Yäni Şafak” gazetı: “Ärdoğannıñ “Tağın da ğadel dönya mömkin” kitabı N’yu-Yorkta utlı êkrannarda tanıtıldı”
İlbaşı Ärdoğan yazğan "Tağın da ğadel dönya mömkin” kitabı Amerika Quşma Ştatlarınıñ N’yu-York qalasınıñ üzägendäge uramnar belän Tayms mäydanındağı utlı êkrannarda tanıtıldı. Ğadelsezlek, migraśiya krizisı, xalıqara terrorçılıq häm İslamofobiya belän bergä global’ säyäsätneñ qarşılıqlarına tuqtalıp uzılğan kitap Ärdoğannıñ Berläşkän Millätlär Oyışması general’ assambleyasında oçraşaçaq äğ’za il liderlarına da täq’dim itelde.
“Watan” gazetı: “TEKNOFEST dulqınlanuı başlandı”
Dön’yanıñ iñ zur aviaśiya, ğaläm häm texnologiya festivale “TEKNOFEST” dulqınlanuı kiçä İstanbul Atatörek hawa mäydanında başlandı. 26nçı sentyabr’gä xätle däwam itäçäk çarada Törek qorallı köçläre akrobat törkeme “SOLOTÜRK” häm “Törek yoldızları” Bosfor buğazı kiñlegendä oçış yasadı. “TEKNOFEST”tä däräcä alğan taqımnarğa 5 million liradan kübräk büläk bireläçäk.
“Star” gazetı: “Törkiyädä yasaldı, dönyada berençe”
“T3” waqıfı wäkillege başlığı häm TEKNOFEST İdarä şurası räise Sälçuk Bayraktar “TEKNOFEST”tä keşesez hawa apparatları belän hawa apparatlarınıñ bergä tamaşa kürsätüen äytte. Bayraktar: “Dön’yada da mondıy tamaşa, belüemçä, berençe,” – dip äytte.
