Törek matbuğatına küzätü 20.08.2021
20 nçe avgust könne basılıp çıqqan qayber törek gazetlarına küzätü
”Xörriyät” gazetı Törkiyä ilbaşı Räcäp Tayyip Ärdoğannıñ kabinet cıyılışınnan soñ yasağan belderüendä yaña uqu yılınıñ 6 nçı sentyabr’dä başlançağı turında äytüen yaza. “Vakśinaśiyälänmägän uqıtuçılar häm mäktäplärdäge başqa personaldan atnağa kim digändä ike tapqır PŚR testı taläp iteläçäk. Oçqıçlarda, şähärara säyäxätlärdä ,şulay uq konśert, kino kebek kümäk çaralar öçen dä PŚR testı kiräk bulaçaq” dide ilbaşı.
”Xäbär Törek” gazetı yazğança, Törkiyä tışqı êşlär ministrı Mävlüt Çavuşoğlu Talibannıñ Qabulnı yawlap aluınnan soñ Äfganstanda tözeläçäk yaña xakimiyätneñ tanıluı turında bolay dide:”Bez çınnan da inklyuziv xökümät tözeläçäkme, yuqmı ikänen kürergä tiyeş. Bez xalıqara cämäğät’çelek belän berlektä êş itärbez”.
”Yaña Şafak” gazetı Çexiyanıñ Äfganstandağı êvakuaśiya êşläre öçen Törkiyägä räxmät äytüen xäbar itä. Çexiya saqlanu ministrı urınbasarı Yan Gavranek äytüençä, Törkiyä oçqıçlarnıñ qurqınıçsız räweştä quzğalu häm töşep utıruların täêmin itte.
”Sabah” gazetı Awrupa Berlege 3 ilneñ Kovid-19 vakśina sertifikatların tanırğa buldı dip yaza. Awrupa Berlege komissiyäse Törkiyä, Tön’yaq Makedoniya häm Ukraina qullanğan Kovid -19 vakśina sertifikatların tanu qararı qabul itte.
”Star” gazetı citkergänçä, Germaniya kanślerı Angela Merkel Kovid -19 vakśinasın êşläp çığarğan “BioNtech” şirkäteneñ citeşterü qorılmasın qaradı. Ul şirkätneñ urtaqları häm çığışları belän törek bulğan ğalimnär Uğur Şaxin belän Özläm Türecigä räxmät äytte.
