Törek matbuğatına küzätü 11.08.2021
11nçe avgust könne çıqqan qayber törek gazetlarına küzätü
“Vatan” gzetı Törkiyäneñ Şveyśariyägä qarata PKK belän bäyle rizasızlığı turına yaza.
Tışqı êşlär ministrlığı Şveyśariyädä terrorçı oyışma PKK/YPG belän bäyläneşle “Tön’yaq häm Könçığış Süriyä avtonom idaräse wäkillege” açıluğa kisken reakśiyä belderde. Şveyśariyäneñ Änkaradağı ilçelege diplomatın ministrlıqqa çaqırıp añlatma soradılar.
“Star” gazetı Greśiyäneñ Törkiyägä räxmät citkerüe turında xäbär itä.
Greśiyä tışqı êşlär ministrı Nikos Dendias däwam itüçe urman yanğınnarına 2 yanğın sünderü oçqıçı belän yärdäm itüläre öçen törek wazıyfadaşı Mäwlet Çavuşoğluna räxmät äytte.
“Yeni Şafak” gazetı “İstanbul aêroportı dön’yadağı iñ yaxşıları arasında” dip yaza.
Oçışlarnı tikşerü şirkäte Skaytrakc 2021nçe yılğa qarawçı “Dön’yadağı iñ yaxşı aêroportlar isemlege”n çığardı. Aña qarağanda, 2020nçe yılda 102nçe bulğan İstanbul aêroportı ber yılda 85 basqıçqa kütärelde häm 17nçe buldı.
“Sabah” gazetı Antaliyäneñ 7 ayda 3 million 396 meñ turist qabul itüen citkerä.
Dön’yanıñ ähämiyätle turizm üzäkläre arasında urın alğan häm koronavirus kizüe waqıtında sälamät häm imin turizm adresı xälenä kilgän Antaliya 7 ayda 3 million 396 meñ turistnı qunaq itte. İñ kübe Rusiyädän kilde – 1 million 127 meñ 716 turist.
“Hürriyet” gazetı Van külendäge açış xaqında xäbär iyä.
Dön’yadağı iñ zur sodalı kül - Van külendä yaña mikrobialit töre tabıldı. 30-40 metr ozınlığındağı älege bakterial’ taşnıñ moña qadär Cirdä oçrağannar arasında iñ ozını buluı belderelde.
