Törek matbuğatına küzätü 28.06.2021

“Yeni Şafak” gazetı yazğança 1 iyul’dä başlanaçaq êtaplı normal’läşüneñ neçkälekläre bilgele buldı. Törkiyäneñ êçke êşlär ministrlığı açıqlağan kürsätmägä kürä barlıq êş urınnarı belän kinoteatrlar qabat açıla. Aşaw-êçü urınnarındağı keşe sanı belän nikax häm tuylardağı qatnaşuçı sanı çikläwläre beterelä. Yaña çorda konŝert häm festival’lär irekle bulaçaq, park häm piknik urınnarında da çikläw bulmayaçaq.

“Xäbär türk” basması beldergänçä Ênergetika häm tabiğıy çığanaqlar ministrı Fatix Dönmez tabiğıy gaz mäs’äläsendä bıyıl, citeşmi ikän kiläse yılnıñ berençe çiregendä Qara diñgezdä tağın ber zondaj planlıy alaçaqların citkerde. Ministr Qara diñgezneñ uñdırışlılıq cähatennän citdi potenŝialğa iyä buluın belderde.

 “Xörriyät” gazetı xäbärenä kürä Törkiyädä Didjital’ bazar qanunı öçen xäzerleklär däwam itä. Tärtipkä salunıñ 2022nçe yılnıñ berençe yartısında çınğa aşuı maqsat itelä. Didjital’ Bazar qanunınıñ qullanuçı häm satuçı saqlanğan qanun bulaçağın beldergän Konkurenŝiya oyışması başlığı Birol Küle: “Awrupa Berlege Parlamentı häm Germaniyadan soñ berençe bulaçaqbız,” – dide.

“Sabah” basması citkergänçä Amerikan Törek êşne üsterü şurasınıñ xörmätle başlığı Uğur Terzioğlu Törkiyä ilbaşı Räcäp Tayyip Ärdoğan belän Amerika Quşma Ştatları däwlät başlığı Djo Baydennıñ Bryussel’dağı söyläşülärennän soñ Törkiyäneñ AQŞqa êksportınıñ tiz räweştä artuın äytte. Terzioğu Tön’yaq Kipr Törek Cömhüriyätennän dä AQŞ belän säwdäneñ ciñel räweştä başqarıla alınuın häm Amerikalı tanılğan şirkätlärneñ Tön’yaq Kipr Törek Cömhüriyätendä ofis açuların belderde.

“Star” gazetı yazğança YUNESKOnıñ Bötendön’ya Miras isemlegendä urın aluçı Göbeklitepeneñ tirä-yağında ber törkem yaña urınnar tabıldı. Göbeklitepe tiräsendäge 100 çaqrımlıq mäydanda tabılğan 11 urında êşçänleklär tögällänä. Töbäk sentäbr’ ayında tanıtılaçaq.