Törek matbuğatına küzätü 15.06.2021

”Vatan” gazetı Törkiyä ilbaşı Räcäp Tayyip Ärdoğannıň kiçä Amerka Quşma Ştatları ilbaşı Djo Bayden belän bik faydalı söyläşü ütkärüläre turında äytüen citkerä. “Turıdan turı dialog kanalların saqlaw öçen kileştek” dide ilbaşı Ärdoğan.

”Star” gazetı Törkiyä ilbaşı Räcäp Tayyip Ärdoğannıň kiçä NATOğa videoyullama cibärüe turında yaza. Ärdoğan : "Çik  ar’yağı operaśiyälärebezdä 4 meñgä yaqın “DEAŞ” terrorçısın täêsirsez xälgä kiterdek. Bez terrorçılıqnıñ barlıq törlärenä qarşı alıp barğan köräştä, qızğanıç, berlektäşlärebezdän häm urtaqlarıbızdan kötkän yaqlawnı häm teläktäşlekne kürä almadıq”,-dide.

“Xörriyät” gazetı yazğança, Antaliyağa 8 köndä 120 meň turist kilde. Fraport TAV Antaliya hawa mäydanı ğomum mödire Bilgihan Yılmaz Germaiya, Ukraina häm Pol’şadan kilüçelär sanı artuın assızıqladı.

”Sabah” gazetı Törkiyä transport häm asqorma ministrı Adil Karaismailoğlunıň milli êlektr poyızdı xaqındağı süzlären uquçıları belän urtaqlaşa.  “Akkreditaśiya uzğan oyşma kontrole astında navigaśion  qurqınıçsızlıq häm konfort sınap qarawları başlanaçaq. Poyızdnı ağımdağı yılda millätebezneñ qullanışına täq’dim itäçäkbez,”-dide ul.  

”Xäbär Törek” gazetı Törkiyädä bıyılnıň ğıynwar-may aylarında avtomobl’ citeşterüneň uzğan yılnıň şul uq çorı belän çağıştırğanda 28%qa artıp 532 meň 441 danägä citüen xäbär itä. Bu däwerdä avtomobil’ êksportı berämlek bazasında 18%qa artıp 391 meň 70 danä täşkil itte.