Törek matbuğatına küzätü 08.06.2021

“Hürriyet” gazetı tışqı êşlär ministrı Mäwlet Çavuşoğlunıñ Franśiyägä säfäre turında yaza.

Ul kiçä räsmi säfäre qısalarında Franśiyäneñ  başqalası Parijda wazıyfadaşı Jan İv Le Drian belän oçraştı. Bu söyläşü xaqında Çavuşoğlu Twitter akkauntında bolay dip yazdı: “Le Drian belän küp’yaqlı mönäsäbätlärebez, regional’ häm xalıqara täräqqıyät’lär turında fiker alıştıq. Franśiyä belän bağ’lanışlarıbıznı ber-berebezgä xörmät nigezendä köçäytüne maqsat itep quyabız.”

“Sabah” gazetı “Östämä rezervlar taba alabız” dip yaza.

Ênergetika häm tabiğıy çığanaqlar ministrı Fatix Dönmäz Törkiyäneñ qullanuçıdan citeşterüçe däwlät bulu yağına taba baruın belderde. “Xäzerge waqıtta Sakariya gaz mäydanınıñ tön’yaq-könçığışında êşçänlek alıp barabız. Bälki ber yıl êçendä ul yatmanıñ kön’yağı häm könbatışında tikşerenü maqsatınnan borawlaw qoyısı yasarbız,”-dide ul.

 “Haber Türk” gazetı “Awrupada śifrlı reklama investiśiyäläre iñ nıq üskän däwlät Törkiyä buldı” dip xäbär itä.

Awrupada śifrlı reklama investiśiyäläre 6,3%qa üsep 70 milliard yevroğa yaqınlaştı. Törkiyädä älege kürsätkeç 34,8% belän 28 däwlät arasında iñ nıq üskäne buldı.

“Star” gazetı “Törkiyägä kilep dronnarnı yaqınnan qaradı” dip yaza.

Latviya viśe-prem’yerı häm saqlanu ministrı Artis Pabriks kiçä Baykar keşesez hawa apparatları yasaw ob’yektına bardı. Soñınnan ul Twitterda: “Törkiyä sänäğate iñ yuğarı dön’ya standartlarına iyä. NATO berlektäşe bularaq monı bik nıq bäyälibez” dip yazdı.

“Yeni Şafak” gazetı “5 ayda 30 million yulçı hawa yullarınnan faydalandı ” dip citkerä.

Däwlät aêroportlar idaräse ğomum mödirlege statistikalarına qarağanda,  Törkiyädä ağımdağı yılnıñ 5 ayında hawa yulların qullanğan yulçı sanı 30 millionğa yaqınlaşqan.