Төрeк мaтбугaтынa күзәтү - Törek matbuğatına küzätü 12.04.2021
12нчe мартта бaсылып чыккaн кaйбeр төрeк гaзeтлaрынa күзәтү / 12nçe martta basılıp çıqqan qayber törek gazetlarına küzätü
“Star” gazetı: “Törkiyädän Donbas belderüe”
İlbaşı idaräse süzçese İbrahim Qalın Törkiyäneñ Ukrainanıñ cir bötenlegen yaqlawın, Qara diñgezdä häm töbäktä yäşänäçäk härtörle kiyerenkelekneñ häm bäreleşneñ härkemneñ zararına buluın belderde. Süzçe Qalın: “Törkiyä qırım tatarlarınıñ xoquqların yaqlıy häm Rusiyä belän Ukraina arasındağı problemalarnıñ söyläşülär yulı belän xäl itelüen xuplıy”, - dip äytte.
“Sabah” gazetı: “Törkiyä adım adım Ayğa kitä”
Milli ğaläm programması qısalarında 2023nçe yılda Ayğa cibärelüe maqsat itelgän ğaläm qorabında qullanıla alınaçaq milli häm unikal’ gibrit raketa motorı qabızu sınawın uñışlı uzdı. Törkiyäneñ iñ zur raketa sistemalarınnan berse bulğan SORS dönyanıñ texnologiya bularaq iñ aldınğı gibrit raketa motorına iyä. Raketa motorınıñ ürnäge may ayında Sinoptan oçırtılaçaq.
“Xörriyät” gazetı: “Rusiyädän ğaläm täq’dime”
Rusiyäneñ Änkara tulı wäqalätle ilçese Aleksei Yerxov, Törkiyäneñ ğalämne barlaw mäs’äläsenä kürsätkän iğ’tibarnı kürülären belderep: “Kürşebezne üz ğaläm programmasın başlatqanı öçen täbrik itäbez”, - dip äytte. Törkiyäneñ ğaläm tikşerenüläre ölkäsendä alıp barılğan global’ êşçänlekkä öleş kertäçägenä ışanuların iskärtep uzuçı Rusiyä ilçese ilenen ğaläm (kosmos) êşçänlege ölkäsendä xezmättäşlekkä açıq buluın äytte.
“Yäni Şafak” gazetı: “Törkiyä sälamätlek saqlaw turizmında dönya ligasında berençe unlıqta”
“Forbes” jurnalı mäğ’lümatlärenä kürä, 5 yıllıq proyekśiyädä yuğarı üseş täêmin itkän tarmaqlarnıñ başında sälamätlek saqlaw turizmı tora. Tarmaqnıñ êş barışı küläme här yıl yaqınça 24% külämendä arta. Törkiyä sälamätlek saqlaw turizmı ölkäsendä dönyada berençe 10 il arasında tora.
“Xäbär Türk” gazetı: “Berençe Rusiyä turist törkeme utırğan oçqıç Muğlağa töşte”
Rusiyä başqalası Mäskäwdän 212 yulçısı belän xäräkät itkän oçqıç kiçen Milas-Bodrum hawa mäydanına töşte. Oçqıçtan töşkän turist törkeme kiräkle prośeduradan soñ yal itäçäk Bodrum ilçäsenä yul tottı. Bu sezonda xalıqara oçışlarda uzğan yılğa qarağanda artu kötelä.
