Төрeк мaтбугaтынa күзәтү - Törek matbuğatına küzätü 05.01.2021
5нчe гыйнвaрдa бaсылып чыккaн кaйбeр төрeк гaзeтлaрынa күзәтү / 5nçe ğinwarda basılıp çıqqan qayber törek gazetlarına küzätü
“Star” gazetı: “Törkiyädän Hafter höcümendä ülüçelär öçen iskä alu yullaması”
Milli saqlanu ministrlığı Liviyada tüntäreleşçe general Halifä Haftergä bäyle köçlärneñ uzğan yılda oyıştırğan hawa höcümendä şähit bulğan 30 liviyalı xärbi kursant öçen iskä alu yullamasın yasadı. Ministrlıqnıñ “Twitter” akkauntınnan urtaqlaşqan yazmasında: “Böten dönyanı teträtkän şuşı keşeleksez höcümdä şähit bulğan Liviyalı kursantlarnı Allahnıñ yarlıqawı belän iskä alabız. Şähit qannarı belän suğarılğan bu cirdä monnan arı Törek qorallı köçläreneñ yärdäme belän Liviya ğaskären modern armiyalar däräcäsenä citkeräçäk êşçänlek alıp barıla”, - dip äytelde.
“Sabah” gazetı: “Baydennan Bozkırğa global’ xezmättäşlek yullaması”
Amerika Quşma Ştatları İlbaşı bulıp saylanğan Djo Bayden Berläşkän Millätlär Oyışmasınıñ 75nçe ğomum şura başlığı Volkan Bozkırğa yullamasın cibärde. Bayden yullamasında BMO belän êşläw telägen citkerde. Yaña tör koronavirus (Kovid-19) kizüennän klimat üzgäreşenä, citäkçelekne kötüçe global’ problemalarğa iğ’tibarnı yünältüçe Bayden: “Sezneñ belän êşläwne dürt küz belän kötäbez”, - dip äytte.
“Xäbär Türk” gazetı: “Törkiyä 155 ilgä yärdäm itkän il”
“Ğadälät häm qalqınu” partiyası süzçese Ömär Çälik dönyada şaqtıy ilneñ yaña tör koronavirus (Kovid-19) barışında bitlek belän täêmin itü häm qartlar yortındağı olı yäş’tägelärne qaraw mäs’äläsendä awırlıqlar yäşäwen, Törkiyäneñ isä başqa illärdän küpkä aldanraq bu krizisnı qarşılıy alaçaq sälätkä iyä buluın kürsätüen belderde. Çälik: “Törkiyä üz watandaşınıñ yärdämenä aşıqqanı kebek ber ük waqıtta 155 ilgä yärdäm itüçe ilgä äylände”, - dip äytte.
“Watan” gazetı: “Törkiyäneñ keşesez qorallı hawa apparatları dönyanı teträtte”
Tawlı Qarabaxta, Süriyädä häm Liviyada kürsätkän xärbi uñışı belän iğ^tibarnı cälep itkän Törkiyäneñ keşesez qorallı hawa apparatları Awrupanıñ başın äyländerde. Angliya saqlanu ministrı Ben Wallaceneñ “Yaña çor açtı” dip äytkän keşesez qorallı hawa apparatlarınnan alırğa teläwlären äytte. Germaniya isä “Bayraktar TB2” törendäge keşesez qorallı hawa apparatlarınnan waz kiçkäne öçen ükenüen açıqladı.
“Yäni Şafak” gazetı: “Sälamätlek saqlaw turizmında yaña maqsat Aziya bazarı”
İyül’, avgust häm sentyabr’ aylarında çit ildän däwalanu öçen Törkiyägä kilgän awıru sanında citdi külämdä artu bar. Uzğan yılda iñ küp xasta Awrupadan kilde. Niderland, İtaliya, İspaniya, Franśiya häm Bel’giya berençe urında. Skandinaviya illärennän kilüçelär dä êstetika däwalanuında Törkiyäne sayladı. Sälamätlek saqlaw turizmında yaña maqsat isä Aziya töbäge. Bıyıl bigräk tä Hindstan, Qıtay, İndoneziya, Malayziya, Yaponiya kebek illärdä yaña bazar êzlänüläre başlıy.
