Төрeк мaтбугaтынa күзәтү - Törek matbuğatına küzätü 21.12.2020
21нчe дeкaбрьдә бaсылып чыккaн кaйбeр төрeк гaзeтлaрынa күзәтү / 21nçe dekabr’dä basılıp çıqqan qayber törek gazetlarına küzätü
“Yäni Şafak” gazetı: "Çavuşoğlu: “Bez izelgännärneñ tawışı bulıp qalabız”"
Tışqı êşlär ministrı Mäwlüt Çavuşoğlu "Xalıqara humanitar berdämlek köne” yullamasında Törkiyäneñ yana tör koronavirus (Kovid-19) barışında da dönyanıñ iñ yumart ile bularaq izelgännärgä yärdäm qulın suzarğa däwam itüen belderde. Çavuşoğlu: "Cäberlängännärneñ awazı bulırğa däwam itäbez”, - dip citkerde.
“Watan” gazetı: "Ministr Qaraismailoğlu: “Qıtay êksport poyezdı timer yulı transportındağı ciñüebez”"
Transport häm asqorma ministrı Adil Qaraismailoğlu: "Qıtay êksport poyezdıbız (İstanbul) Çärkäzköydän Qıtaynıñ Xi'an şähärenä tuqtawsız säyäxäten tamamladı. Törkiyäneñ logistik köçen här şähärdän dönyağa citkergän Qıtay êksport poyezdı timer yulı transportındağı ciñüebez,” – dip äytte.
“Sabah” gazetı: "THYdän täwge tapqır!"
Törek hawa yulları (THY) texnik aksionerlıq cämğıyäte Törkiyäneñ berence cirle häm milli serverın häm modemen êşläp çığardı. Oçqıçlarda media materiallarınıñ (fil’m, muzıka, video, gazet, jurnal häm başqalarnıñ) saqlanuına, tiz internetka kerügä häm telängän çaqta materiallarnıñ yulçılar belan urtaqlaşıluına mömkinlek birüçe media çığanağı bulğan “server” belän hawa yulı säyäxäte küñelle täcribägä äylänä.
“Star” gazetı: "“Diriliş Ärtuğrul”dan täêsirländelär: Paqıstannan Söğütkä kildelär"
Paqıstan däwlät televideniyäsennän tapşırılğan häm ildä zur qızıqsınu kürgän “Diriliş Ärtuğrul” serialınnan täêsirlängän Paqıstanlı öç iptäş, meñnärçä çaqrım yul uzıp, Ärtuğrul Gazineñ Biläcikneñ Söğüt ilçäsendä urnaşqan törbäsen ziyarät qıldı.
“Xörriyät” gazetı: "Sanlaştıru turist sanında uñay çağılış tabaçaq"
Mädäniyät häm turizm ministrı Mäxmät Nuri Ärsoynıñ liderlığında tözelgän häm modern dizayn-proyektı, texnologik asqorması belan Törkiyäneñ köndäşlärennän ayırılıp toruına öleş kertäçäge belderelgän sanlı platformanıñ ğamälgä kertelüeneñ citkerelüe tarmaqta söyeneç belän qarşılandı. Törkiyä turında mäğ’lümat alırğa häm säyäxäten planlaştırırğa teläwçe böten qullanuçılarğa ilneñ mädäniyät häm turizm qimmätlären ber tüşäm astında täq’dim itüne maqsat itkän "goturkey.com"nıñ 2021nçe yıldağı bron’närgä dä uñay täêsir itüe kötelä.
