Төрeк мaтбугaтынa күзәтү - Törek matbuğatına küzätü 17.12.2020
17нчe дeкaбрьдә бaсылып чыккaн кaйбeр төрeк гaзeтлaрынa күзәтү / 17nçe dekabr’dä basılıp çıqqan qayber törek gazetlarına küzätü
“Xörriyät” gazetı: "Ärdoğannan AQŞqa bik kisken reakśiya"
İlbaşı Räcäp Tayyip Ärdoğan kiçä yasağan belderüendä Amerika Quşma Ştatlarınıñ Törkiyägä qarata qullanğan sankśiyälärgä tuqtalıp uzıp: "AQŞ sankśiyäläre açıqlandı. Bik anıq itep äytäm. 2017nçe yıldan birle “CAATSA” mäs’äläsendä bernindi ilgä dä bu sankśiya qullanılmağan. Täwge tapqır NATO äğ’zase bularaq ilebezgä qullanıla. Bu nindi ber ittifaq, bu nindi ber berlektäşlek", - dide.
“Xäbär Türk” gazetı: "Tışqı êşlär ministrı Çavuşoğlu: ““PKK”nıñ Ğıyraqtan çistartıluı öçen yärdäm itäçäkbez”"
Tışqı êşlär ministrı Mäwlüt Çavuşoğlu kiçä Ğıyraq tışqı êşlär ministrı Fuad Xösäyen belän söyläşüennän soñ urtaq matbuğat oçraşuında “PKK” separatist terror oyışmasınıñ bar närsädän êlek kördlärneñ doşmanı buluın belderde. Çavuşoğlu: "Bu (“PKK”) terror oyışmasınnan Ğıyraqnıñ tulısınça çistartıluı öçen Törkiyä bularaq qulıbızdan kilgän yärdämne kürsätäçäkbez”, - dip äytte.
“Sabah” gazetı: "“Youtube”tan Törkiyä qararı"
“YouTube” Törkiyädä cirle yuridik zat wäkilen bilgeläw barışın başlatu qararın qabul itüen citkerde. “Youtube”tan yasalğan belderüdä, şirkätneñ, ütä kürenmälelekkä, açıqlıqqa, süz iregenä häm mäğ’lümat aluğa bulğan bäylelegen saqlap, êşçänlek alıp barğan illärdäge cirle qanunnarnı häm tärtipne ütäwgä härwaqıt iğ’tibar itüe äytelde.
“Watan” gazetı: "Törkiyädän tigezleklärne üzgärtäçäk adım"
ASELSAN xärbi êlektronika sänäğäte häm ROKETSAN raketa sänäğäte häm säwdäse aksionerlıq cämğiyäte êşläp çığarğan berençe milli häm cirle hawa saqlanu raketa sisteması “HİSAR-A+”nıñ inventar’gä kertelüe aldınnan soñğı qabul itü testı ütkärelde. Saqlanu sänäğäte idaräseneñ “Twitter” akkauntınnan urtaqlaşılğan videoyazmada “TÜBİTAK SAGE” tarafınnan qamilläşterelgän raketa oçı qullanılıp yasalğan atu waqıtında yuğarı tizlekle tämek oçqıçınıñ ozaq radiustan uñışlı räweştä bärep töşerelüe citkerelde.
“Star” gazetı: "“Kovid-19” vakśinasın tapqan professor doktor Şahin häm Türäci ''Yıl keşese büläge''nä layıq buldı"
“Financial Times” (FT) gazetı “Kovid-19” vakśinasın tapqan alman biotexnologiya firması “BioNTex”nıñ qoruçıları professor doktor Uğur Şahin belän Özläm Türäcine “Yıl keşese” itep sayladı. Angliyada çıqqan gazetta Uğur Şahin häm Özläm Türäci turında: “Par, ber yıldan qısqa ber waqıt êçendä “Kovid-19” vakśinasın qamilläşterep, iskitkeç fänni häm kommerśiya uñışlarına ireşte”, - dip äytelde.
