Törek matbuğatına küzätü 16.12.2020

“Star” gazetı Çavuşoğlunıñ Pompeoğa Törkiyäneñ sankśiyälärgä reakśiyäsen citkerüe turında yaza.

Törkiyä tışqı êşlär ministrı Mäwlet Çavuşoğlu kiçä AQŞ departamentı başlığı Mayk Pompeo belän telefon aşa söyläşte. Diplomatik çığanaqlardan alınğan mäğ’lümatlarğa qarağanda, anda Amerikanıñ sankśiyä qararına Törkiyäneñ rizasızlığı belderelde.

“Haber Türk” gazetı milli saqlanu ministrı Akarnıñ sankśiyälärgä reakśiyäse turında yaza.

Törkiyä milli saqlanu ministrı Xulusi Akar AQŞnıñ sankśiyälärenä qarata: “Berlektäşlek, xäzerge xärbi, säyäsi çınbarlıq belän bäyle bulmağan qararnı ğayeplibez,”-dide.

“Hürriyet” gazetı “Strategik tabiğıy gazütkärgeçe öçen qul quyıldı” dip xäbär itä.

Törkiyä belän Azärbaycan arasında yaña gazütkärgeç tözelä. Naxçivanğa zäñgär yağulıq kiteräçäk proyektqa imzanı ike ilneñ ênergetika ministrları quydı. Törkiyä ênergetika häm qazılma baylıqlar ministrı Fatix Dönmäz äytüençä, Törkiyä-Naxçivan ütkärgeçe Iğdır tabiğıy gazütkärgeçen däwam itep tözeläçäk. Ul Naxçivannıñ zäñgär yağulıq ixtiyacın tulısınça qanäğat’länderäçäk.  

“Vatan” gazetı Törkiyä belän Ukraina arasındağı zur kileşü turında citkerä.

Törkiyä häm Ukraina ozaq waqıt söyläşülär alıp barılğan urtaq xärbi köymä häm qorallı keşesez hawa apparatı yasaw mäs’äläsendä kileşte häm dokument imzalandı.

“Sabah” gazetı yazğança, täwge qorallı keşesez diñgez apparatınıñ prototibı suğa töşerelä

Törkiyädä yasalğan berençe apparatnıñ prototibı bu ay axırında diñgezgä töşereläçäk. Ul Milli raketa sistemaları çığaruçı Roketsan tarafınnan 6 danä raketa sisteması belän dä täêmin itelä.  Apparatnıñ diñgezdäge sınawı 2 ay däwam itäçäk.