Төрeк мaтбугaтынa күзәтү - Törek matbuğatına küzätü 11.12.2020
11нчe дeкaбрьдә бaсылып чыккaн кaйбeр төрeк гaзeтлaрынa күзәтү / 11nçe dekabr’dä basılıp çıqqan qayber törek gazetlarına küzätü
“Xörriyät” gazetı: "İlbaşı Ärdoğannan Ärmänstan yullaması"
İlbaşı Räcäp Tayyip Ärdoğan Azärbaycan däwlät başlığı İlham Aliyev belän qara-qarşı küreşkännän soñ ütkärelgän urtaq matbuğat oçraşuında, regional’ tınıçlıqnı urnaştıru öçen kiräk bulsa altı yaqlı platforma oyıştıra alaçaqların belderep: "Rusiyä-Törkiyä-Azärbaycan-İran-Gruziya, ägär rizalaşıp qabul itsälär Ärmänstan da bu platformada urın ala ala. Ägär bu mäs’älädä uñay adım yasalsa, bez dä yabıq qapqalarıbıznı açarbız. Ärmänstan xalqına da üpkäbez yuq. Bezneñ problema Ärmänstan citäkçelege belän. Minem ilemdä yöz meñ ärmän watandaşıbız bar," – dip äytte.
“Yäni Şafak”gazetı: "Aliyev: “Törek keşesez qorallı hawa apparatları Azärbaycannıñ ciñüendä zur rol’ uynadı”"
Azärbaycan İlbaşı Aliyev İlbaşı Ärdoğan belän oyıştırğan urtaq matbuğat oçraşuında Törkiyädäge sänäğät üseşenä tuqtalıp uzdı häm: "Watan suğışıbızda Törkiyädä êşläp çığarılğan “Bayraqtar” keşesez qorallı hawa apparatları zur üzgäreşlärgä säbäp buldı. “Bayraqtar” – bezneñ uñışlarıbızda zur rol’ uynadı. Böten dönya törek xalqınıñ aqılın häm säläten, törek sänäğäteneñ ni qadär üskän buluın tağın ber qat kürde”, - dip äytte.
“Star” gazetı: "Varank: “Bez Törkiyäne 4nçe sänäğät inqilabınıñ tendenśiyasın bilgeläwçe illärdän berse itep yasawda täwäkkäl”"
Sänäğät häm texnologiya ministrı Mustafa Varank Törkiyä dürtençe sänäğät inqilabı üzägeneñ açılış tantanasında yasağan çığışında: "Bez qamilläştergän Ar-Ge häm innovaśion êkosistema, sıyfatın nığıtqan keşe resursıbız, açılışın yasağan monıñ kebek üzäklär yärdämendä Törkiyä maqsatlarına monnan arı tağın da yaqın. Bez Törkiyäne 4nçe sänäğät inqilabınıñ tendenśiyasın bilgeläwçe illärdän berse itep yasawda täwäkkäl,” – dip äytte.
“Sabah” gazetı: "Törkiyägä kapital saluda Niderland, AQŞ häm Angliya başta tora"
Törkiyä 2003nçe yıldan birle sänäğättän finansqa, ênergetikadan transportqa, taw sänäğätennän waqlap satuğa xätle şaqtıy ölkädä 165 milliard dollarlıq turıdan-turı çit il investiśiyaların cälep itkän bulsa, Niderland, Amerika Quşma Ştatları häm Angliya tuplam kapital salunıñ 3tä bersen başqardı.
“Xäbär Türk” gazetı: "Handä Küdän Berlin filarmoniyasına qabul itelgän berençe törek buldı"
Skripka sänğätçese Handä Küdän, Berlin filarmoniya orkestrına töp äğ’za itep qabul itelep, täwge ğamäl yasadı. 28 yäşendäge Küdän Berlin filarmoniya orkestrına qabul itelgän berençe törek skripkaçısı bularaq ğorurlıq birüçe uñışnı tormışqa aşırdı.
